ಹೊಸಪೇಟೆ, ಮಾ.3 www.bengaluruwire.com : ಹೊಸಪೇಟೆಯ ಕಮಲಾಪುರದಲ್ಲಿನ ದರೋಜಿ ಕರಡಿ ಧಾಮದಲ್ಲಿ ಹತ್ತು ದಿನಗಳ ಹಿಂದೆ ತಾಯಿ ಕರಡಿಯು ಎರಡು ಮರಿಗಳಿಗೆ ಜನ್ಮ ನೀಡಿದೆ. ಹೀಗಾಗಿ ಕರಡಿ ಪ್ರಿಯರಿಗೆ ಈ ಕರಡಿಧಾಮ ಕೈ ಬೀಸಿ ಕರೆಯುತ್ತಿದೆ.
ಅವುಗಳ ಮುದ್ದಿನ ಆಟಕ್ಕೆ ಸಫಾರಿ ಪ್ರಿಯರು, ಫೋಟೋಗ್ರಾಫರ್ ಗಳು ಮನಸೋಲುತ್ತಿದ್ದಾರೆ. ಕಮಲಾಪುರದ ಜಂಗಲ್ ಲಾಡ್ಜ್ ಕರಡಿ ಸಫಾರಿ, ಪಕ್ಷಿ ವೀಕ್ಷಣೆ (bird watch) ಗೆ ಪ್ರಖ್ಯಾತಿ ಪಡೆದಿದೆ.
ಸಫಾರಿಗೆ ಬರುವವರ ಕಾತುರ, ಕೌತುಕವನ್ನು ಕರಡಿ ಮರಿಗಳ ಚಟುವಟಿಕೆಗಳು ಹೆಚ್ಚಿಸಿವೆ. ಅಮ್ಮನ ಬೆನ್ನೇರಿ ಮರಿಗಳು ಬಂಡೆ ಹತ್ತುವುದು, ಬೇಸಿಗೆಯ ಬಿಸಿಯಲ್ಲಿ ತಾಯಿ ಕರಡಿಯೊಂದಿಗೆ ನೀರು ಕುಣಿಯುವುದನ್ನು ಸಫಾರಿ ಪ್ರಿಯರು ಕಣ್ತುಂಬಿಕೊಳ್ಳುತ್ತಿದ್ದಾರೆ.
ಬೆಳಿಗ್ಗೆ 6.30ರಿಂದ 8.30, ಮಧ್ಯಾಹ್ನ 2.30ರಿಂದ ಸಂಜೆ 4.30ರ ವರೆಗೆ ಸಫಾರಿ ಮಾಡಬಹುದು. ಆರು ವರ್ಷದೊಳಗಿನ ಮಕ್ಕಳಿಗೆ ಉಚಿತ, 6ರಿಂದ 12 ವರ್ಷದೊಳಗಿನವರಿಗೆ ತಲಾ ₹200, 12 ವರ್ಷ ಮೇಲಿನವರಿಗೆ ತಲಾ ₹400 ದರ ನಿಗದಿಪಡಿಸಲಾಗಿದೆ.
ಸಫಾರಿಗೆ ನಾಲ್ಕು ಜೀಪ್ಗಳಿವೆ. ಹೆಚ್ಚಿನ ಜನ ಬಂದಲ್ಲಿ ಜಂಗಲ್ ಲಾಡ್ಜ್ ವಾಹನ ಉಪಯೋಗಿಸಿಕೊಳ್ಳಲು ಯೋಜಿಸಲಾಗಿದೆ. ಎರಡು ಗಂಟೆಗಳಲ್ಲಿ 26 ಕಿ.ಮೀ ಸಂಚರಿಸಿ, ಕರಡಿ ಸೇರಿದಂತೆ ವಿವಿಧ ಜಾತಿ ಪ್ರಾಣಿ, ಪಕ್ಷಿಗಳನ್ನು ಕಣ್ತುಂಬಿಕೊಳ್ಳಬಹುದು.
Join our WhatsApp Channel
