ತನ್ನದಲ್ಲದ ತಪ್ಪಿಗೆ ವನ್ಯಜೀವಿಗಳು ಸಾವನ್ನಪ್ಪುತ್ತಿರುವ ಘಟನೆ ಆಗಾಗ ಮರುಕಳುಸುತ್ತಲೇ ಇದೆ. ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಲಗವೊಂದು ವಿದ್ಯುತ್ ತಂತಿ ತಗುಲಿ ಸಾವನ್ನಪ್ಪಿರುವ ಘಟನೆಯ ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ. ತಮಿಳುನಾಡಿನ ಧರ್ಮಪುರಿಯ ಗ್ರಾಮವೊಂದರಲ್ಲಿ ಮಾ.18ರಂದು ನಡೆದ ಘಟನೆಯೆಂದು ಹೇಳಲಾಗುತ್ತಿದೆ. ಹಳ್ಳಿಯ ಗದ್ದೆಗೆ ಬಂದಿದ್ದ ಗಂಡಾನೆಯೊಂದನ್ನು ಗ್ರಾಮಸ್ಥರು ಓಡಿಸುವ ಸಂದರ್ಭದಲ್ಲಿ ಅಲ್ಲಿಂದ ಕಾಲ್ಕಿತ್ತ ಆನೆಯೊಂದು ಎದುರಿಗಿದ್ದ ವಿದ್ಯುತ್ ತಂತಿ ಸ್ಪರ್ಶಿಸಿ ಸ್ಥಳದಲ್ಲೇ ಸಾವನ್ನಪ್ಪಿರುವ ವಿಡಿಯೋವನ್ನು ಸ್ಥಳೀಯರು ತಮ್ಮ ಮೊಬೈಲ್ ನಲ್ಲಿ ಸೆರೆ ಹಿಡಿದಿದ್ದಾರೆ.
ಆನೆಯನ್ನು ಓಡಿಸುವಾಗ ಅದರ ವಿಡಿಯೋ ಮಾಡುತ್ತಿದ್ದವ ಹಾಗೂ ಅವರ ಪಕ್ಕದಲ್ಲಿದ್ದವರು ಆನೆಯು ಕೊನೆಯುಸಿರು ಎಳೆದಿದ್ದನ್ನು ಕಂಡು ಬೇಸರ ಪಟ್ಟುಕೊಳ್ಳುವ ಆಡಿಯೋ ಕೂಡ ಈ ವಿಡಿಯೋದಲ್ಲಿದೆ. ಈ ವಿಡಿಯೋವನ್ನು ಕಂಡ ಎಂತಹವರೂ ಮರುಕ ಪಡುವಷ್ಟು ಹೃದಯವಿದ್ರಾವಕ ದೃಶ್ಯ ಇದಾಗಿದೆ.
“ಬೆಂಗಳೂರು ವೈರ್” ಡಿಜಿಟಲ್ ವೆಬ್ ನ್ಯೂಸ್ ಪೋರ್ಟೆಲ್ಲಿನ ಸೋಶಿಯಲ್ ಮೀಡಿಯಾ ಪೇಜ್ ಹಾಗೂ Google News ಗಳಿಗೆ ಉಚಿತವಾಗಿ Subscribe ಆಗಲು Facebook, Telegram, Twitter, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
Join our WhatsApp Channel
