ಬೆಂಗಳೂರು, ಅ.07 www.bengaluruwire.com : ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯ (KSOU) ತನ್ನ ವಿದ್ಯಾರ್ಥಿಗಳಿಗೆ 2019-20 ರಿಂದ 2024-25ರ ಶೈಕ್ಷಣಿಕ ಸಾಲಿನ ಜುಲೈ/ಜನವರಿ ಆವೃತ್ತಿಯ ಕೋರ್ಸ್ಗಳ ಪರೀಕ್ಷೆಗಳು ಅಕ್ಟೋಬರ್ 8ರಿಂದ ಪ್ರಾರಂಭವಾಗುತ್ತಿವೆ. ಅಲ್ಲದೆ 2025-26ರ ಜುಲೈ ಆವೃತ್ತಿಯ ಯುಜಿಸಿ ಅನುಮೋದಿತ ಶಿಕ್ಷಣ ಕ್ರಮಗಳ ಪ್ರವೇಶಾತಿ ದಿನಾಂಕವನ್ನು ಅಕ್ಟೋಬರ್ 15ರ ತನಕ ವಿಸ್ತರಿಸಲಾಗಿದೆ.
ಪರೀಕ್ಷೆಗಳ ವಿವರ: ಹಾಜರಾಗುವ ವಿದ್ಯಾರ್ಥಿಗಳಿಗೆ ಸೂಚನೆ :
ಸಿ.ಬಿ.ಸಿ.ಎಸ್./ ನಾನ್ ಸಿ.ಬಿ.ಸಿ.ಎಸ್. ಕೋರ್ಸುಗಳ ಅಡಿಯಲ್ಲಿ ಯು.ಜಿ./ ಪಿ.ಜಿ./ ಡಿಪ್ಲೋಮಾ/ ಸರ್ಟಿಫಿಕೇಟ್ ಕೋರ್ಸುಗಳಿಗೆ ಪ್ರವೇಶಾತಿ ಹೊಂದಿರುವ ಹಾಗೂ ದ್ವಿತೀಯ ಮತ್ತು ಅಂತಿಮ ವರ್ಷಕ್ಕೆ ಪ್ರವೇಶಾತಿ ನವೀಕರಣ ಮಾಡಿರುವ ವಿದ್ಯಾರ್ಥಿಗಳಿಗೆ ಅಕ್ಟೋಬರ್ 8 ರಿಂದ ಪರೀಕ್ಷೆಗಳು ಆರಂಭಗೊಳ್ಳುತ್ತಿವೆ.
ಪರೀಕ್ಷಾ ಪ್ರವೇಶ ಪತ್ರ (Admission Ticket) ಡೌನ್ಲೋಡ್:
ಪರೀಕ್ಷಾ ಶುಲ್ಕವನ್ನು ಈಗಾಗಲೇ ಪಾವತಿಸಿರುವ ವಿದ್ಯಾರ್ಥಿಗಳು ವಿ.ವಿ.ಯ ಅಧಿಕೃತ ವೆಬ್ಸೈಟ್ ಆದ https://ksouportal.com/Views/AdmissionTicket.aspx ಮೂಲಕ ತಮ್ಮ ಪ್ರವೇಶ ಪತ್ರವನ್ನು ಡೌನ್ಲೋಡ್ ಮಾಡಿಕೊಂಡು ಪರೀಕ್ಷೆಗೆ ಹಾಜರಾಗಬಹುದು.
ಪ್ರವೇಶಾತಿ ವಿಸ್ತರಣೆ: ಕೋರ್ಸ್ಗಳ ಮಾಹಿತಿ :
ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯವು ವಿವಿಧ ಸ್ನಾತಕ (UG), ಸ್ನಾತಕೋತ್ತರ (PG), ಡಿಪ್ಲೊಮಾ ಮತ್ತು ಸರ್ಟಿಫಿಕೇಟ್ ಕೋರ್ಸ್ಗಳ ಪ್ರವೇಶಾತಿಗಾಗಿ ಅರ್ಜಿಗಳನ್ನು ಆಹ್ವಾನಿಸಿದೆ.
ಪ್ರಮುಖ ಕೋರ್ಸ್ಗಳು:
* ಸ್ನಾತಕ (UG): ಬಿ.ಎ., ಬಿ.ಕಾಂ., ಬಿ.ಬಿ.ಎ., ಬಿ.ಸಿ.ಎ., ಬಿ.ಎಸ್.ಡಬ್ಲ್ಯೂ., ಬಿ.ಎಸ್ಸಿ., ಬಿ.ಲಿಬ್.ಐ. ಎಸ್ಸಿ.
* ಸ್ನಾತಕೋತ್ತರ (PG): ಎಂ.ಎ., ಎಂ.ಕಾಂ., ಎಂ.ಬಿ.ಎ., ಎಂ.ಸಿ.ಎ., ಎಂ.ಎಸ್.ಡಬ್ಲ್ಯೂ., ಎಂ.ಎಸ್ಸಿ., ಎಂ.ಲಿಬ್.ಐ. ಎಸ್ಸಿ.
ಆಸಕ್ತ ವಿದ್ಯಾರ್ಥಿಗಳು ಬೆಂಗಳೂರು ಪ್ರಾದೇಶಿಕ ಕೇಂದ್ರ-01 (ಬಾಪೂಜಿನಗರ) ನಲ್ಲಿ ಆನ್ಲೈನ್ ಮೂಲಕ ಪ್ರವೇಶಾತಿ ಪಡೆಯಬಹುದು. ವಿ.ವಿ.ಯ ಅಧಿಕೃತ ವೆಬ್ಸೈಟ್ www.ksoumysuru.ac.in ನಲ್ಲಿ ಲಭ್ಯವಿರುವ ವಿವರಣಾ ಪುಸ್ತಕವನ್ನು ಅನುಸರಿಸಿ, ಆನ್ಲೈನ್ ಅಡ್ಮಿಷನ್ ಪೋರ್ಟಲ್ ಮೂಲಕ ಅರ್ಜಿ ಸಲ್ಲಿಸಬಹುದು. ಇಲ್ಲವೇ, ಅಗತ್ಯ ದಾಖಲೆಗಳೊಂದಿಗೆ ಪ್ರಾದೇಶಿಕ ಕೇಂದ್ರಕ್ಕೆ ಖುದ್ದು ಭೇಟಿ ನೀಡಿ ಪ್ರವೇಶಾತಿ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬಹುದು.
ವಿದ್ಯಾರ್ಥಿಗಳಿಗೆ ಸಂಪರ್ಕ ಮಾಹಿತಿ :
ಪರೀಕ್ಷೆ ಹಾಗೂ ಪ್ರವೇಶಾತಿ ಕುರಿತು ಹೆಚ್ಚಿನ ಮಾಹಿತಿಗಾಗಿ ವಿದ್ಯಾರ್ಥಿಗಳು, ಪ್ರಾದೇಶಿಕ ನಿರ್ದೇಶಕರು, ಬೆಂಗಳೂರು ಪ್ರಾದೇಶಿಕ ಕೇಂದ್ರ-01, ಮೊದಲನೇ ಮಹಡಿ, ಕೆ.ಎಸ್.ಆರ್.ಟಿ.ಸಿ., ಸ್ಯಾಟಲೈಟ್ ಬಸ್ ನಿಲ್ದಾಣ, ಮೈಸೂರು ರಸ್ತೆ, ಬಾಪೂಜಿನಗರ, ಬೆಂಗಳೂರು-26. ದೂರವಾಣಿ ಸಂಖ್ಯೆಗಳು: 080-26603664 ಮತ್ತು 98806-26439 / 90195-26439 ಸಂಪರ್ಕಿಸಬಹುದು.
Join our WhatsApp Channel
