ಬೆಂಗಳೂರು, ಮಾ.14 www.bengaluruwire.com : ಪ್ರಯಾಣಿಕರ ಅನುಕೂಲಕ್ಕಾಗಿ ಬೆಂಗಳೂರು ಮೆಟ್ರೋ ರೈಲು ನಿಗಮ (BMRCL) ನೇರಳೆ ಮಾರ್ಗದಲ್ಲಿ (Purple Line) ಮಾ.13ರಿಂದ ತನ್ನ ಮೆಟ್ರೋ ರೈಲು ಸೇವೆಗಳ ಆವರ್ತನ (Frequency) ವನ್ನು ಹೆಚ್ಚಿಸಿದೆ.
ಮೆಟ್ರೋ ರೈಲುಗಳು ಸಂಜೆ 3.56ರಿಂದ ರಾತ್ರಿ 8 ಗಂಟೆಗಳವರೆಗೆ ಐಟಿಪಿಎಲ್ ಮತ್ತು ಮೈಸೂರು ರಸ್ತೆಯ ನಡುವೆ 5 ನಿಮಿಷಗಳ ಆವರ್ತನದಲ್ಲಿ ಮೆಟ್ರೊ ರೈಲು ಚಲಿಸಲಿವೆ.
ಪ್ರಯಾಣಿಕರಿಗೆ ಹೆಚ್ಚಿದ ಆವರ್ತನ :
ಈ ಹೊಸ ಸೌಲಭ್ಯವು ಪರ್ಪಲ್ ಲೈನ್‌ನಲ್ಲಿ ಪ್ರಯಾಣಿಸುವ ಸಾವಿರಾರು ಪ್ರಯಾಣಿಕರಿಗೆ ಪ್ರಯೋಜನವಾಗಲಿದೆ. ರೈಲು ಹೆಚ್ಚಿನ ಆವರ್ತನದೊಂದಿಗೆ, ಪ್ರಯಾಣಿಕರು ಈಗ ತಮ್ಮ ಪ್ರಯಾಣವನ್ನು ಉತ್ತಮವಾಗಿ ಯೋಜಿಸಬಹುದು. ಕಾಯುವ ಸಮಯವನ್ನು ಕಡಿಮೆ ಮಾಡಬಹುದು ಮತ್ತು ಅವರ ಪ್ರಯಾಣದ ಅನುಭವವನ್ನು ಹೆಚ್ಚು ಪರಿಣಾಮಕಾರಿಯಾಗಿ ಮಾಡಬಹುದು.
ಈ ಸೌಲಭ್ಯದ ಸದುಪಯೋಗ ಪಡೆದುಕೊಳ್ಳಿ :
ಹೆಚ್ಚು ಆರಾಮದಾಯಕ ಮತ್ತು ಅನುಕೂಲಕರ ಪ್ರಯಾಣದ ಅನುಭವವನ್ನು ಒದಗಿಸಲು ವಿನ್ಯಾಸಗೊಳಿಸಲಾದ ಈ ಹೊಸ ಸೌಲಭ್ಯವನ್ನು ಬಳಸಿಕೊಳ್ಳುವಂತೆ ಬಿಎಂಆರ್ ಸಿಎಲ್ ಸಾರ್ವಜನಿಕರನ್ನು ಮತ್ತು ಪ್ರಯಾಣಿಕರನ್ನು ಒತ್ತಾಯಿಸಿದೆ.
Join our WhatsApp Channel
