ಬೆಂಗಳೂರು, (www.bengaluruwire.com) : ನಗರದಲ್ಲಿ ಮದ್ರಾಸ್ ಇಂಜಿನಿಯರ್ ಗ್ರೂಪ್ ಹಾಗೂ ಕೇಂದ್ರ ಏರ್ಪಡಿಸಿದ್ದ 2022-23ರ ದಕ್ಷಿಣ ಕಮಾಂಡ್ ಹಾಕಿ ಚಾಂಪಿಯನ್ ಶಿಪ್ ಟ್ರೋಫಿಯು, ದಕ್ಷಿಣ ಭಾರತ ಏರಿಯಾ ಹಾಕಿ ತಂಡ ಪಾಲಾಗಿದೆ.
ಏ.11ರಿಂದ 18ರವರೆಗೆ ನಗರದ ಬಾಣಸವಾಡಿ ಗ್ಯಾರಿಸನ್ ನಲ್ಲಿರುವ ಇಗ್ನೇಸ್ ಟ್ರಿಕಿ ಆಸ್ಟ್ರೊ ಟರ್ಫ್ ಹಾಕಿ ಸ್ಟೇಡಿಯಮ್ ನಲ್ಲಿ ನಡೆದ ಲೀಗ್ ಕಮ್ ನಾಕೌಟ್ ಪಂದ್ಯದಲ್ಲಿ ಒಟ್ಟು 10 ತಂಡಗಳು ಪಾಲ್ಗೊಂಡಿದ್ದವು.
ಅಂತಿಮ ಪಂದ್ಯದಲ್ಲಿ ದಕ್ಷಿಣ ಭಾರತ ಏರಿಯಾ ಹಾಕಿ ತಂಡದ ವಿರುದ್ಧ ಮಹಾರಾಷ್ಟ್ರ ಗೋವಾ ಹಾಗೂ ಗುಜರಾತ್ ಏರಿಯಾ ಹಾಕಿ ತಂಡದ ನಡುವೆ ನಡೆದ ಹಣಾಹಣಿಯಲ್ಲಿ ದಕ್ಷಿಣ ಭಾರತ ಏರಿಯಾ ಹಾಕಿ ತಂಡ 3-2 ಗೋಲುಗಳಿಂದ ಜಯ ಸಾಧಿಸಿದೆ. ಮಹಾರಾಷ್ಟ್ರ ಗೋವಾ ಹಾಗೂ ಗುಜರಾತ್ ಏರಿಯಾ ಹಾಕಿ ತಂಡ ರನ್ನರ್ ಅಪ್ ಪ್ರಶಸ್ತಿ ಪಡೆದುಕೊಂಡಿದೆ.
ಎಂಇಜಿ ಹಾಗೂ ಕೇಂದ್ರದ ಕಮಾಂಡೆಂಟ್ ಬ್ರಿಗೇಡಿಯರ್ ಟಿಪಿಎಸ್ ವಾದ್ವಾ ಗೆದ್ದ ತಂಡದ ಸದಸ್ಯರಿಗೆ ಪದಕ ಹಾಗೂ ಟ್ರೋಫಿ ನೀಡಿದರು. ಈ ಬಾರಿ ಗೆದ್ದ ದಕ್ಷಿಣ ಭಾರತ ಏರಿಯಾ ಹಾಕಿ ತಂಡದಲ್ಲಿರುವ ಸಮರ್ಥರನ್ನು ಆರ್ಮಿ ಇಂಟರ್ ಕಮಾಂಡ್ ಹಾಕಿ ಚಾಂಪಿಯನ್ ಶಿಪ್ -2022ಕ್ಕೆ ಆಯ್ಕೆ ಮಾಡಲಾಗುತ್ತದೆ ಎಂದು ರಕ್ಷಣಾ ಇಲಾಖೆ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಲಾಗಿದೆ.
Join our WhatsApp Channel
