ಬೆಂಗಳೂರು, ಆ.06 www.bengaluruwire.com: ದೇಶದ 80ನೇ ಸ್ವಾತಂತ್ರ್ಯ ದಿನಾಚರಣೆಯ ಶುಭ ಸಂದರ್ಭವನ್ನು ಸ್ಮರಣೀಯವಾಗಿಸಲು, ಭಾರತೀಯ ವಾಯುಪಡೆಯ (IAF) ಪ್ರಸಿದ್ಧ ‘ನಂ. 1 ಬ್ಯಾಂಡ್’ ವಿಧಾನಸೌಧದ ಮುಂಭಾಗದಲ್ಲಿ ಆಗಸ್ಟ್ 09 ರಂದು ವಿಶೇಷ ಸಂಗೀತ ಪ್ರದರ್ಶನ ನೀಡಲಿದೆ.
ತಮ್ಮ ಶಿಸ್ತುಬದ್ಧ ಹಾಗೂ ಭವ್ಯ ಸಂಗೀತ ಪ್ರದರ್ಶನಕ್ಕೆ ಹೆಸರುವಾಸಿಯಾಗಿರುವ ವಾಯುಪಡೆ ಬ್ಯಾಂಡ್, ತನ್ನ ಗಂಭೀರ ಸ್ವರಸಂಯೋಜನೆಗಳ ಮೂಲಕ ಭಾರತದ ಶೌರ್ಯ, ಪ್ರಸ್ತುತ ಸಾಗುತ್ತಿರುವ ಹಾದಿ ಮತ್ತು ಭವಿಷ್ಯದ ಆಕಾಂಕ್ಷೆಗಳನ್ನು ಅನಾವರಣಗೊಳಿಸಲಿದೆ.
ಕಾರ್ಯಕ್ರಮದ ಮುಖ್ಯಾಂಶಗಳು:
ದಿನಾಂಕ ಮತ್ತು ಸಮಯ: ಆಗಸ್ಟ್ 09 (ಭಾನುವಾರ) ಸಂಜೆ 6 ಗಂಟೆಯಿಂದ.
ಸ್ಥಳ: ವಿಧಾನಸೌಧ ಅಂಗಳ, ಬೆಂಗಳೂರು.
ವಿಶೇಷತೆ: ಸೇನಾ ಟ್ಯೂನ್ಗಳು, ಕ್ರಾಂತಿಕಾರಿ ದೇಶಭಕ್ತಿ ಗೀತೆಗಳು ಮತ್ತು ರಾಷ್ಟ್ರೀಯ ಶೈಲಿಯ ಜನಪ್ರಿಯ ಸಂಗೀತ.
ಪ್ರವೇಶ: ಸಾರ್ವಜನಿಕರಿಗೆ ಉಚಿತ ಹಾಗೂ ಮುಕ್ತ ಪ್ರವೇಶ.
ಪ್ರಮುಖ ಮಾಹಿತಿ: ಈ ಕಾರ್ಯಕ್ರಮದಲ್ಲಿ ಭಾರತೀಯ ವಾಯುಪಡೆಯ ಹಿರಿಯ ಅಧಿಕಾರಿಗಳು, ನಾಗರಿಕ ಗಣ್ಯರು ಹಾಗೂ ಸಾರ್ವಜನಿಕರು ಭಾಗವಹಿಸಲಿದ್ದು, ರಕ್ಷಣಾ ಪಡೆಗಳು ಮತ್ತು ದೇಶದ ಸಾರ್ವಜನಿಕರ ನಡುವಿನ ಬಾಂಧವ್ಯವನ್ನು ಮತ್ತಷ್ಟು ಗಟ್ಟಿಗೊಳಿಸುವ ಉದ್ದೇಶ ಹೊಂದಿದೆ.
ನಗರದ ನಿವಾಸಿಗಳಿಗೆ ದೇಶಪ್ರೇಮದ ರಸದೌತಣ ನೀಡಲು ಸಜ್ಜಾಗಿರುವ ಈ ಗಂಭೀರ ಸಾಂಸ್ಕೃತಿಕ ಸಂಜೆಯಲ್ಲಿ ಭಾಗವಹಿಸಿ, ಯೋಧರ ಕಲಾ ಕೌಶಲವನ್ನು ಕಣ್ತುಂಬಿಕೊಳ್ಳಬಹುದು.
Join our WhatsApp Channel
