ನವದೆಹಲಿ, ಸೆ.8 www.bengaluruwire.com : ಜಿ-20 ಶೃಂಘ ಸಭೆಯ ಆತಿಥ್ಯವಹಿಸಿರುವ ದೇಶದ ರಾಜಧಾನಿಯ “ಭಾರತ ಮಂಟಪಂ” 40 ಜಾಗತಿಕ ನಾಯಕರನ್ನು ತನ್ನತ್ತ ಸೆಳೆಯಲು ಸಜ್ಜಾಗಿದೆ. ಸೆ.9 ರಿಂದ ಎರಡು ದಿನಗಳ ಕಾಲ ನಡೆಯುವ ಶೃಂಗಸಭೆಯಲ್ಲಿ ಹಲವು ಮಹತ್ವದ ಹಲವು ವಿಷಯಗಳಲ್ಲಿ ಪ್ರಮುಖವಾಗಿದೆ.
ಇನ್ನು ರಾಷ್ಟ್ರೀಯ ರಾಜಧಾನಿಯಲ್ಲಿ ನಾಳೆ ಶನಿವಾರ ಮತ್ತು ಭಾನುವಾರ ನಿಗದಿಯಾಗಿರುವ ಜಿ-20 ಶೃಂಗಸಭೆಯು ಅಮೆರಿಕ ಅಧ್ಯಕ್ಷ ಜೋ ಬಿಡನ್ (Joe Biden) ಮತ್ತು ಯುಕೆ ಪ್ರಧಾನಿ ರಿಷಿ ಸುನಕ್ (Rishi Sunak) ಸೇರಿದಂತೆ ಉನ್ನತ ವಿಶ್ವ ನಾಯಕರನ್ನು ಒಳಗೊಂಡ ಬಹು ನಿರೀಕ್ಷಿತ ಕಾರ್ಯಕ್ರಮವಾಗಿದೆ.
ಶೃಂಗಸಭೆಯು ನವದೆಹಲಿಯ ಪ್ರಗತಿ ಮೈದಾನದಲ್ಲಿರುವ ಭಾರತ್ ಮಂಟಪಂ ಎಂದು ಕರೆಯಲ್ಪಡುವ ಇಂಟರ್ ನ್ಯಾಷನಲ್ ಎಕ್ಸಿಬಿಷನ್ ಕಮ್ ಕನ್ವೆನ್ಷನ್ ಸೆಂಟರ್ (ಐಇಸಿಸಿ) ಸಂಕೀರ್ಣದಲ್ಲಿ ನಡೆಯಲಿದೆ. ಈ ವರ್ಷ ಜುಲೈ 26 ರಂದು ಪ್ರಧಾನಿ ನರೇಂದ್ರ ಮೋದಿ ಅವರು ಈ ಸಂಕೀರ್ಣವನ್ನು ಉದ್ಘಾಟಿಸಿದರು. ಇದು ಸಮಾವೇಶ ಕೇಂದ್ರ, ಪ್ರದರ್ಶನ ಸಭಾಂಗಣಗಳು ಮತ್ತು ಆಂಫಿಥಿಯೇಟರ್ ಸೇರಿದಂತೆ ಅತ್ಯಾಧುನಿಕ ಸೌಲಭ್ಯಗಳನ್ನು ಹೊಂದಿದ ಬೃಹತ್ ತಾಣವಾಗಿದೆ.
ಜಿ-20 ಶೃಂಗಸಭೆಯ ಸಮಯದಲ್ಲಿ, ಭಾರತ್ ಮಂಟಪವನ್ನು “ಸಂಸ್ಕೃತಿ ಕಾರಿಡಾರ್” ಎಂದು ಉಲ್ಲೇಖಿಸಲಾಗುತ್ತದೆ. ಭಾರತ ಮತ್ತು ಜಿ-20 ಗೆ ವಿಶೇಷ ಆಹ್ವಾನಿತರು ಸೇರಿದಂತೆ 29 ದೇಶಗಳ ವೈವಿಧ್ಯಮಯ ಸಂಪ್ರದಾಯಗಳನ್ನು ಇಲ್ಲಿ ಪ್ರದರ್ಶಿಸಲಾಗುತ್ತದೆ. ಈ ಪ್ರದರ್ಶನವು ಭೌತಿಕ ಮತ್ತು ವರ್ಚುವಲ್ ಪ್ರದರ್ಶನಗಳನ್ನು ಒಳಗೊಳ್ಳುತ್ತದೆ. ಹಾಗೆಯೇ ವೀಕ್ಷಕರಿಗೆ ಆ ಪ್ರದರ್ಶನದಲ್ಲಿ ತಲ್ಲೀನಗೊಳಿಸುವ ಅನುಭವವನ್ನು ಸೃಷ್ಟಿಸುತ್ತದೆ.
ಇದೇ ಮಂಗಳವಾರದಂದು, ಭಾರತ ಮಂಟಪದಲ್ಲಿ 27 ಅಡಿ ಎತ್ತರದ ನಟರಾಜನ ಕಂಚಿನ ಪ್ರತಿಮೆಯನ್ನು ಸ್ಥಾಪಿಸಲಾಯಿತು. ಇದು ಅಷ್ಟಧಾತುಗಳಿಂದ ಮಾಡಲ್ಪಟ್ಟಿದೆ ಮತ್ತು ಸುಮಾರು 18 ಟನ್ ತೂಕ ಹೊಂದಿದೆ. ತಮಿಳುನಾಡಿನ ಸ್ವಾಮಿ ಮಲೈ ಮೂಲದ ಖ್ಯಾತ ಶಿಲ್ಪಿ ರಾಧಾಕೃಷ್ಣನ್ ಸ್ಥಪತಿ ಮತ್ತು ಅವರ ತಂಡವು ಈ ಶಿಲ್ಪವನ್ನು ದಾಖಲೆಯ ಏಳು ತಿಂಗಳ ಅವಧಿಯಲ್ಲಿ ಪೂರ್ಣಗೊಳಿಸಿದೆ.
ಚೋಳ ಸಾಮ್ರಾಜ್ಯದ ಕಾಲದಿಂದ, ರಾಧಾಕೃಷ್ಣನ್ ಅವರ 34 ತಲೆಮಾರುಗಳು ಇಂತಹ ದೇವರ ವಿಗ್ರಹಗಳ ತಯಾರಿಕೆಯಲ್ಲಿ ತೊಡಗಿಸಿಕೊಂಡಿದೆ. ಈ ನಟರಾಜನ ವಿಗ್ರಹವು ಬ್ರಹ್ಮಾಂಡ ಶಕ್ತಿ, ಸೃಜನಶೀಲತೆಯ ಸಂಕೇತವಾಗಿದೆ.
ಅಂದಾಜು 123 ಎಕರೆ ಕ್ಯಾಂಪಸ್ ಪ್ರದೇಶವನ್ನು ಒಳಗೊಂಡಿರುವ ಭಾರತ್ ಮಂಟಪವನ್ನು ಭಾರತದ ಅತಿದೊಡ್ಡ ಸಭೆಗಳು, ಸಮ್ಮೇಳನ ಮತ್ತು ಪ್ರದರ್ಶನಗಳ ತಾಣವಾಗಿ ಅಭಿವೃದ್ಧಿಪಡಿಸಲಾಗಿದೆ. ಈವೆಂಟ್‌ಗಳಿಗೆ ಲಭ್ಯವಿರುವ ಸ್ಥಳಾವಕಾಶಕ್ಕೆ ಸಂಬಂಧಿಸಿದಂತೆ, ಈ ಸಂಕೀರ್ಣವು ಜಾಗತಿಕವಾಗಿ ಉನ್ನತ ಪ್ರದರ್ಶನ ಮತ್ತು ಸಮಾವೇಶ ಸಂಕೀರ್ಣಗಳಲ್ಲಿ ಸ್ಥಾನ ಪಡೆದಿದೆ.
ಭಾರತ ಮಂಟಪ ನಿರ್ಮಾಣಕ್ಕೆ 2,700 ಕೋಟಿ ರೂ. ವೆಚ್ಚ :
ಭಾರತ ಮಂಟಪವು ಸುಮಾರು 2,700 ಕೋಟಿಗಳ ರೂ.ಗಳ ಹೂಡಿಕೆಯೊಂದಿಗೆ ರಾಷ್ಟ್ರೀಯ ಪ್ರಯತ್ನವಾಗಿ ನಿರ್ಮಿಸಲಾಗಿದೆ. ಭಾರತ್ ಮಂಟಪ ಸರ್ಕಾರದ ಹೇಳಿಕೆಯ ಪ್ರಕಾರ “ಭಾರತದ ಒಂದು ಪ್ರಮುಖ ಜಾಗತಿಕ ವ್ಯಾಪಾರ ತಾಣವಾಗಿ” ಕಾರ್ಯನಿರ್ವಹಿಸುತ್ತದೆ. ಇಲ್ಲಿನ ಬೃಹತ್ ಸಂಕೀರ್ಣದ ವಾಸ್ತುಶಿಲ್ಪದ ಮೇರುಕೃತಿಯನ್ನು ಭವ್ಯವಾದ ಅಂತರರಾಷ್ಟ್ರೀಯ ಪ್ರದರ್ಶನಗಳು, ವ್ಯಾಪಾರ ಮೇಳಗಳು, ಸಮಾವೇಶಗಳು, ಸಮ್ಮೇಳನಗಳು ಮತ್ತು ವಿವಿಧ ಪ್ರತಿಷ್ಠಿತ ಕೂಟಗಳನ್ನು ಆಯೋಜಿಸುವ ರೀತಿಯಲ್ಲಿ ಬಹುಪಯೋಗಿ ಕಟ್ಟದಂತೆ ವಿನ್ಯಾಸಗೊಳಿಸಲಾಗಿದೆ. ಭಾರತ್ ಮಂಟಪ ಭವ್ಯವಾದ ಆಂಫಿಥಿಯೇಟರ್ 3,000 ವ್ಯಕ್ತಿಗಳಿಗೆ ಆಸನವನ್ನು ಹೊಂದಿದೆ.
‘ಭಾರತ ಮಂಟಪ’ ಎಂದರೆ ವಾಸ್ತವವಾಗಿ ಏನು?
ಸರ್ಕಾರದ ಹೇಳಿಕೆಯ ಪ್ರಕಾರ, ಭಾರತ ಮಂಟಪವು “ಭಗವಾನ್ ಬಸವೇಶ್ವರರ ಅನುಭವ ಮಂಟಪದ ಪರಿಕಲ್ಪನೆ” ಯಿಂದ ಸ್ಫೂರ್ತಿ ಪಡೆದಿದೆ. ಇದು ಮೂಲತಃ ಸಾರ್ವಜನಿಕ ಸಮಾರಂಭಗಳಿಗೆ ವೇದಿಕೆಯಾಗಿದೆ. ಈ ವಿಸ್ತಾರವಾದ ಸಂಕೀರ್ಣವು ಸಾರ್ವಜನಿಕರಿಗೆ ತೆರೆದಿರುತ್ತದೆ. ಆಧುನಿಕ ಹಾಗೂ ಅಭಿವೃದ್ಧಿ ಹೊಂದಿದ ಸಮಾಜದ ಪ್ರಗತಿ ಸಾಧಿಸುವ ರಾಷ್ಟ್ರದ ಆಶಯವನ್ನು ಬೆಂಬಲಿಸಲು ಸಮಗ್ರ ಸೌಲಭ್ಯಗಳನ್ನು ನೀಡುತ್ತದೆ.
ಕಟ್ಟಡದ ಆಕಾರವು ಶಂಖ ಅಥವಾ ಶಂಖದ ಸೊಗಸಾದ ರೂಪದಿಂದ ಪ್ರೇರಿತವಾಗಿದೆ. ಕನ್ವೆನ್ಷನ್ ಸೆಂಟರ್‌ನ ವಿವಿಧ ಗೋಡೆಗಳು ಮತ್ತು ಮುಂಭಾಗಗಳು ಭಾರತದ ಸಾಂಪ್ರದಾಯಿಕ ಕಲೆ ಮತ್ತು ಸಂಸ್ಕೃತಿಯ ವಿವಿಧ ಅಂಶಗಳನ್ನು ಸಂಕೀರ್ಣವಾಗಿ ಚಿತ್ರಿಸುತ್ತವೆ.
Join our WhatsApp Channel
