ಬೆಂಗಳೂರು, ಅ.26 www.bengaluruwire.com : “ಸರ್ ಎಂ ವಿ ಎನ್ ರಿಕ್ರಿಯೇಷನ್ ಸೆಂಟರ್ (ಕ್ಲಬ್) ಸದಸ್ಯತ್ವದ ಶುಲ್ಕ ಸದ್ಯದ ಶುಲ್ಕ 2 ಲಕ್ಷ ಜೊತೆಗೆ ಜಿಎಸ್ ಟಿ ಇದೆ. ಸದ್ಯದಲ್ಲೇ ಈ ಶುಲ್ಕ ಏರಿಕೆ ಮಾಡಲಾಗುತ್ತದೆ” ಎಂದು ಸರ್.ಎಂ.ವಿಶ್ವೇಶ್ವರಯ್ಯ ಬಡಾವಣೆ ಕ್ಷೇಮಾಭಿವೃದ್ಧಿ 1ರಿಂದ 9 ಬ್ಲಾಕ್ ಸಂಘದ ಅಧ್ಯಕ್ಷ ಡಿ.ಎಸ್.ಗೌಡ ಹೇಳಿದ್ದಾರೆ.
ಸರ್ ಎಂ ವಿ ಎನ್ ರಿಕ್ರಿಯೇಷನ್ ಸೆಂಟರ್ 2024-25ನೇ ಸಾಲಿನ ವಾರ್ಷಿಕ ಲೆಕ್ಕಪತ್ರ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡುತ್ತಾ, “ಸರ್.ಎಂ.ವಿಶ್ವೇಶ್ವರಯ್ಯ ಒಂದರಿಂದ ಒಂಭತ್ತನೇ ಬ್ಲಾಕ್ ಗಳಲ್ಲಿ 20,000 ನಿವೇಶನಗಳಿದ್ದು, ಈತನಕ 438 ಜನರು ಕ್ಲಬ್ ಸದಸ್ಯತ್ವ ಹೊಂದಿದ್ದಾರೆ. ಗರಿಷ್ಠ ಈ ಕ್ಲಬ್ ನಲ್ಲಿ 1,500 ಜನರಿಗೆ ಸದಸ್ಯತ್ವ ನೀಡುವ ಸಾಮರ್ಥ್ಯವಿದೆಯಷ್ಟೆ” ಎಂದು ತಿಳಿಸಿದ್ದಾರೆ.
ಸರ್.ಎಂ.ವಿಶ್ವೇಶ್ವರಯ್ಯ ಬಡಾವಣೆ ಕ್ಷೇಮಾಭಿವೃದ್ಧಿ ಸಂಘದ ಖಜಾಂಚಿ ಮರಿಸ್ವಾಮಿ ಅವರು ಸರ್ ಎಂ ವಿ ಎನ್ ರಿಕ್ರಿಯೇಷನ್ ಸೆಂಟರ್ 2024-25ನೇ ಸಾಲಿನ ವಾರ್ಷಿಕ ಲೆಕ್ಕಪತ್ರವನ್ನು ಸಭೆಯಲ್ಲಿ ಮಂಡಿಸಿದರು. ಇದಕ್ಕೆ ಸಭೆಯಲ್ಲಿ ಹಾಜರಿದ್ದ ಸದಸ್ಯರು ಅನುಮೋದಿಸಿದರು.
ಸರ್ ಎಂ ವಿ ಎನ್ ರಿಕ್ರಿಯೇಷನ್ ಸೆಂಟರ್, ಸರ್.ಎಂ.ವಿಶ್ವೇಶ್ವರಯ್ಯ ಬಡಾವಣೆ ಕ್ಷೇಮಾಭಿವೃದ್ಧಿ 1ರಿಂದ 9 ಬ್ಲಾಕ್ ಸಂಘದ ಒಂದು ಘಟಕವಾಗಿದೆ. ಕ್ಲಬ್ ಸದಸ್ಯತ್ವ, ಬಿಡಿಎ ಸರ್.ಎಂ.ವಿ ಬಡಾವಣೆಯ ಒಂದರಿಂದ ಒಂಭತ್ತನೇ ಬ್ಲಾಕ್ ನಲ್ಲಿ ನಿವೇಶನ ಹೊಂದಿದ ಮಾಲೀಕರಿಗೆ ಮಾತ್ರ. ಸದ್ಯದಲ್ಲೇ ಶುಲ್ಕ ಏರಿಕೆಯಾಗುವ ಮುನ್ಸೂಚನೆಯನ್ನು ಸಂಘದ ಪದಾಧಿಕಾರಿಗಳು ಸಭೆಯಲ್ಲಿ ನೀಡಿದರು.
ಹೀಗಾಗಿ ಈಗಿನ ಶುಲ್ಕದಲ್ಲೇ ಕ್ಲಬ್ ಸದಸ್ಯತ್ವವನ್ನು ನಿವೇಶನ ಮಾಲೀಕರು ಪಡೆದುಕೊಳ್ಳಬಹುದು. ಸರ್.ಎಂವಿಎನ್ ರಿಕ್ರಿಯೇಷನ್ ಕ್ಲಬ್ ಶುಲ್ಕಕ್ಕೆ ಹೋಲಿಸಿದರೆ, ಮೈಸೂರು ರಸ್ತೆಯಿಂದ ಮಾಗಡಿ ರಸ್ತೆ ಮಧ್ಯೆ ತಲೆ ಎತ್ತಿರುವ ಬಡಾವಣೆಯ ಸುತ್ತಮುತ್ತ ಇರುವ ಇತರ ಕ್ಲಬ್ ಶುಲ್ಕವು ಸಾಕಷ್ಟು ಹೆಚ್ಚಿದೆ ಎಂದು ಕ್ಲಬ್ ಪದಾಧಿಕಾರಿಯೊಬ್ಬರು ವಿವರಿಸಿದರು.
ಸರ್ ಎಂ ವಿ ಎನ್ ರಿಕ್ರಿಯೇಷನ್ ಸೆಂಟರ್ ನಲ್ಲಿ ಏನೇನು ಬರಲಿದೆ? :
ಒಂದೂವರೆ ಎಕರೆ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (BDA) ರ ಸಿಎ ನಿವೇಶನದಲ್ಲಿ ಕ್ಲಬ್ ಒಟ್ಟು ಎರಡು ಹಂತಗಳಲ್ಲಿ ಕಾರ್ಯಗತವಾಗಲಿದೆ. ಸದ್ಯ ಮೊದಲೇ ಹಂತದಲ್ಲಿ ನೆಲಮಹಡಿ, ಮೊದಲ ಅಂತಸ್ತು ಹಾಗೂ ಟೆರಸ್ ಇರಲಿದ್ದು ಈ ಕಟ್ಟಡದ ನಿರ್ಮಾಣ ಕಾಮಗಾರಿ ನಡೆಯುತ್ರಿದೆ. ಜೊತೆಗೆ ವಿಶಾಲವಾದ ಈಜುಕೊಳವನ್ನು ನಿರ್ಮಿಸಲಾಗುತ್ತಿದೆ. ಸದ್ಯದಲ್ಲೇ ಈ ಮೊದಲನೇ ಹಂತದ ಕಟ್ಟಡದಲ್ಲಿ ಕಾರ್ಡ್ಸ್ ರೂಮ್, ಬಾರ್ ಕೌಂಟರ್, ಪಾರ್ಟಿ ಹಾಲ್ ಹಾಗೂ ಈಜುಕೊಳ ಬಳಕೆಯಾಗುವಂತೆ ಸಿದ್ದಪಡಿಸಿ ಕ್ಲಬ್ ಸದಸ್ಯರ ಬಳಕೆಗೆ ನೀಡಲಾಗುತ್ತದೆ ಎಂದು ಕ್ಲಬ್ ಅಧ್ಯಕ್ಷ ಡಿ.ಎಸ್.ಗೌಡ ಬೆಂಗಳೂರು ವೈರ್ ಗೆ ತಿಳಿಸಿದ್ದಾರೆ.
ಕ್ಲಬ್ ಎರಡನೇ ಹಂತದ ಕಾಮಗಾರಿ ನಂತರ ಲಭ್ಯವಾಗುವ ಸೌಕರ್ಯಗಳ ಗ್ರಾಫಿಕ್ ಚಿತ್ರಗಳ ಸ್ಲೈಡ್ ಕೆಳಗೆ ನೀಡಲಾಗಿದೆ :
ಎರಡನೇ ಹಂತದಲ್ಲಿ ಬೇಸ್ ಮೆಂಟ್ ಹಾಗೂ ನಾಲ್ಕು ಅಂತಸ್ತಿನ ಬಹುದೊಡ್ಡ ಕಟ್ಟಡವನ್ನು ಮುಂದೆ ಕಟ್ಟಲಾಗುತ್ತದೆ. ಈ ಬೃಹತ್ ಕಟ್ಟಡದಲ್ಲಿ ಊಟದ ಹಾಲ್ ಜೊತೆಗೆ ಪಾರ್ಟಿ ಹಾಲ್, ಸಭಾಂಗಣ, ಕ್ಲಬ್ ಪದಾಧಿಕಾರಿಗಳ ಕೊಠಡಿ, ಪಾರ್ಲರ್, ಸಲೂನ್, ವೈದ್ಯರ ಚಿಕಿತ್ಸಾ ಕೇಂದ್ರ, ಅಡುಗೆ ಮನೆ, ಮೂರು ಶಟಲ್ ಕೋರ್ಟ್, ಬೋರ್ಡ್ ಗೇಮ್ಸ್, 226 ಸೀಟುಗಳ ಮತ್ತೊಂದು ಬೃಹತ್ ಸಭಾಂಗಣ, ನರ್ತನ ಹಾಗೂ ಏರೋಬಿಕ್ಸ್ ಕೊಠಡಿ, ಯೋಗ ಕೊಠಡಿ, ಸೇವಾ ಕೊಠಡಿ, ಕಾರ್ಮಿಕರಿಗಾಗಿ ಎರಡು ಡಾರ್ಮಿಟರಿ ಹೀಗೆ ಹತ್ತು ಹಲವು ಅತ್ಯಾಧುನಿಕ ಸೌಕರ್ಯಗಳನ್ನು ಈ ಕಟ್ಟಡವು ಹೊಂದಿರಲಿದೆ.
ಸಭೆಯಲ್ಲಿ ಕ್ಲಬ್ ಪದಾಧಿಕಾರಿಗಳು, ಸದಸ್ಯರು ಉಪಸ್ಥಿತರಿದ್ದರು.
Join our WhatsApp Channel
