ಬೆಂಗಳೂರು, ನ.11 www.bengaluruwire.com : ಕನ್ನಡದಲ್ಲಿ ದೀಪಾವಳಿಯ ಕುರಿತು ಹಾಡಿರುವ ಹಾಡುಗಳ ಸರಮಾಲೆಯೇನಿಲ್ಲ. ಬೆರಳೆಣಿಕೆಯಷ್ಟೇ ದೀಪಾವಳಿ ಹಾಡುಗಳಿರಬಹುದು. ಆ ಹಾಡುಗಳ ಸೊಗಸು, ಮಾಧುರ್ಯ ಬಲು ಆಕರ್ಷಕ. ಅದೇ ಕಾರಣಕ್ಕೆ ಅದೇ ದೀಪಾವಳಿ ಹಾಡುಗಳನ್ನು ನಾವೆಲ್ಲಾ ಪ್ರತೀ ದೀಪಾವಳಿಯಲ್ಲಿ ಬಳಸುತ್ತಾ ಬಂದಿದ್ದೇವೆ.
ಒಂದುರೀತಿಯಲ್ಲಿ ಆ ಹಾಡುಗಳು ದೀಪಾವಳಿಗೆ ಕೊಟ್ಟ ಬಳುವಳಿ. ಆ ಹಾಡುಗಳನ್ನು ಮೆಚ್ಚುತ್ತಲೇ ಕನ್ನಡಿಗರಿಗೆಲ್ಲ ಮೆಚ್ಚಿಗೆಯಾಗುವ ದೀಪಾವಳಿ ಕುರಿತು ಹೊಸತಾದ ಹಾಡನ್ನು ಬರೆಸಿ, ಹಾಡಿಸಿ, ಸಂಗೀತ ಸಂಯೋಜಿಸಿ, ಚಿತ್ರೀಕರಿಸಿದೆ ಕಲರ್ಸ್ ಕನ್ನಡ.
ನೂರಾರು ಹೊಸಾ ಪ್ರಯೋಗಗಳನ್ನು ನಿರಂತರ ಮಾಡುತ್ತಾ ಬಂದಿರುವ ಕಲರ್ಸ್ ಕನ್ನಡ ಪ್ರಪ್ರಥಮ ಬಾರಿಗೆ ದೀಪಾವಳಿ ಕುರಿತ ಹಾಡನ್ನು ಜನರಿಗಾಗಿ ಹೊರತಂದಿದೆ.
ಈ ದೀಪಾವಳಿ ಹಾಡನ್ನು ಸೋಶಿಯಲ್ ಮೀಡಿಯಾಗಳಲ್ಲಿ ಬಳಸುವುದಷ್ಟೇ ಅಲ್ಲದೆ ಹಾಡನ್ನು ಹಾಡಿ ಬೇರೆಯವರಿಂದಲೂ ಹಾಡಿಸಬಹುದು ಮತ್ತು ಕ್ಯಾಚೀ ಆಗಿರುವ ಈ ಹಾಡನ್ನು ಬಳಸಿ ರೀಲ್ಸ್ ಮಾಡಬಹುದು ಎನ್ನುವುದು ಈ ಹಾಡು ಕೇಳಿದವರ ಮತ್ತು ನೋಡಿದವರ ಅಭಿಪ್ರಾಯ.
ಕಲರ್ಸ್ ಕನ್ನಡದ ಮೆಗಾ ಸೀರಿಯಲ್ ಗಳ ತಾರೆಯರೆಲ್ಲಾ ಈ ದೀಪಾವಳಿ ಹಾಡಿನಲ್ಲಿ ಜಗಮಗಿಸುತ್ತಿದ್ದಾರೆ. ನೋಡಲೂ ಚೆನ್ನ. ಹಾಡಲೂ ಚೆನ್ನ. ಎನ್ನುವಂತಿರುವ ಈ ದೀಪಾವಳಿ ಹಾಡು ಕಲರ್ಸ್ ಕನ್ನಡದ ವಿನೂತನ ಪ್ರಯತ್ನ. ಕಲರ್ಸ್ ವಾಹಿನಿಯ ಸಮಸ್ತ ನಕ್ಷತ್ರ ಕೂಟಗಳನ್ನು ಒಂದೇ ಹಾಡಿನಲ್ಲಿ ತಂದು ಕಾಣಿಸಿರುವುದು ಮತ್ತು ಕುಣಿಸಿರುವುದು ವಿಶೇಷವಾಗಿದೆ. ಇದೊಂದು ವಿನೂತನ ಪ್ರಯತ್ನ.
ಈ ದೀಪಾವಳಿ ಹಾಡು ಕಿವಿಗೆ ಒಳ್ಳೆಯದು, ಹಾಗೆಯೇ ಕಣ್ಣಿಗೂ. ಕಲರ್ಸ್ ಕನ್ನಡದ ಕಲರ್ ಫುಲ್ ವೀಕ್ಷಕರಿಗೆ ಇದು ಅಚ್ಚುಮೆಚ್ಚಾಗುವುದರಲ್ಲಿ ಅನುಮಾನವೇ ಇಲ್ಲ.
ಈ ಸಲ ಪಟಾಕಿಯನ್ನು ಕಲರ್ಸ್ ಕನ್ನಡದ ದೀಪಾವಳಿ ಹಾಡಿನಿಂದ ಹಚ್ಚಿ!! ಎನ್ನುತ್ತಿದೆ ಕಲರ್ಸ್ ಕನ್ನಡ ಟೀಮ್.
“ಬೆಂಗಳೂರು ವೈರ್” ಡಿಜಿಟಲ್ ವೆಬ್ ನ್ಯೂಸ್ ಪೋರ್ಟೆಲ್ಲಿನ ಸೋಶಿಯಲ್ ಮೀಡಿಯಾ ಪೇಜ್ ಹಾಗೂ Google News ಗಳಿಗೆ ಉಚಿತವಾಗಿ Subscribe ಆಗಲು Facebook, Telegram, Twitter, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
Join our WhatsApp Channel
