ನವದೆಹಲಿ, ನ.05 www.bengaluruwire.com : ಸರಿಯಾಗಿ ಇದೇ ದಿನದಂದು 11 ವರ್ಷಗಳ ಹಿಂದೆ ಇಡೀ ವಿಶ್ವವನ್ನೇ ಭಾರತೀಯ ಬಾಹ್ಯಾಕಾಶ ಸಂಸ್ಥೆ (Indian Space Research Organization- ISRO) ತನ್ನ ಕಾರ್ಯಕ್ಷಮತೆ, ನಮ್ಮ ಅಂತರಿಕ್ಷ ವಿಜ್ಞಾನಿಗಳ ಬುದ್ಧಿವಂತಿಕೆಗೆ ಪ್ರತೀಕವಾಗಿ ಮಂಗಳ ಗ್ರಹದತ್ತ ಮಂಗಳಯಾನ ನೌಕೆಯನ್ನು ಯಶಸ್ವಿಯಾಗಿ ಉಡಾವಣೆ ಮಾಡಿದ ಚಾರಿತ್ರಿಕ ದಿನ.
ನವೆಂಬರ್ 5, 2013 ರಂದು, ಜಾಗತಿಕ ಬಾಹ್ಯಾಕಾಶ ಸಮುದಾಯದಲ್ಲಿ ತನ್ನ ಸ್ಥಾನವನ್ನು ಭದ್ರಪಡಿಸುವ ಮಂಗಳಯಾನ, ಮಾರ್ಸ್ ಆರ್ಬಿಟರ್ ಮಿಷನ್ (Mars Orbiter Mission – MOM) ಉಡಾವಣೆಯೊಂದಿಗೆ ಭಾರತವು ಮಂಗಳ ಗ್ರಹಕ್ಕೆ ಗಮನಾರ್ಹ ಪ್ರಯಾಣವನ್ನು ಪ್ರಾರಂಭಿಸಿತು.
ಹೀಗೆ ಮಂಗಳಯಾನ ನೌಕೆಯು ಉಡಾವಣೆಯಾದ ಒಂದು ವರ್ಷದ ನಂತರ ಅಂದರೆ ಸೆಪ್ಟೆಂಬರ್ 24, 2014 ರಂದು, ಮಂಗಳಯಾನವು ಅಸಾಧ್ಯವೆಂದು ಹಲವರು ಪರಿಗಣಿಸಿದ್ದನ್ನು ಸಾಧಿಸಿ ತೋರಿಸಿತು. ಮಂಗಳ ಗ್ರಹವನ್ನು ತಲುಪಿದ ಮೊದಲ ಏಷ್ಯಾದ ಬಾಹ್ಯಾಕಾಶ ನೌಕೆ ಮತ್ತು ಚೊಚ್ಚಲ ಪ್ರಯತ್ನದಲ್ಲಿ ಮಂಗಳನ ಅಂಗಳದತ್ತ ತೆರಳಿದ ವಿಶ್ವದ ಮೊದಲ ರಾಷ್ಟ್ರ ಎಂಬ ಹೆಗ್ಗಳಿಕೆ ಪಾತ್ರವಾಯಿತು ನಮ್ಮ ಭಾರತ.
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಅಭಿವೃದ್ಧಿಪಡಿಸಿದ ಈ ಕಾರ್ಯಾಚರಣೆಯು ಸಣ್ಣ- ಪುಟ್ಟ ಸಾಧನೆಯಾಗಿರಲಿಲ್ಲ. ಬದಲಿಗೆ ಇದು ಕೇವಲ ಮಂಗಳ ಗ್ರಹವನ್ನು ಅನ್ವೇಷಿಸಲು ಮಾತ್ರವಲ್ಲದೆ ಭಾರತದ ಬಾಹ್ಯಾಕಾಶ ಸಾಮರ್ಥ್ಯಗಳ ಗಡಿಗಳನ್ನು ವಿಶ್ವಮಟ್ಟಕ್ಕೆ ತೆರೆದುಕೊಳ್ಳಲು ಅನುವುಮಾಡಿಕೊಟ್ಟಿತು.
ಈ ಅಂತರ್ ಗ್ರಹ ಬಾಹ್ಯಾಕಾಶ ಯೋಜನೆಯಲ್ಲಿ ಭಾರತದ ಈ ಜಿಗಿತವು ಆಶ್ಚರ್ಯಕರವಾಗಿ ಕಡಿಮೆ ವೆಚ್ಚದಲ್ಲಿ ರೂಪಿಸಲಾಗಿತ್ತು. ಸರಿಸುಮಾರು 450 ಕೋಟಿ ರೂ. ವೆಛಚದಲ್ಲಿ ($73 ಮಿಲಿಯನ್) ಬಜೆಟ್ನೊಂದಿಗೆ, ಮಂಗಳಯಾನವು ಅತ್ಯಂತ ಕಡಿಮೆ ಬಜೆಟ್ ನಲ್ಲಿ ಮಂಗಳಯಾನ ಯೋಜನೆಯನ್ನು ಇಸ್ರೊ ವಿಜ್ಞಾನಿಗಳು ರೂಪಿಸುವಲ್ಲಿ ಯಶಸ್ವಿಯಾದರು. ಯಾವುದೇ ಹಾಲಿವುಡ್ ಬಾಂಡ್ ಸಿನಿಮಾಗಿಂತ ಕಡಿಮೆ ವೆಚ್ಚದಲ್ಲಿ ಇಂತದ್ದೊಂದು ಮಹತ್ವದ ಯೋಜನೆ ಸಿದ್ದವಾಗಿದ್ದು, ಇಡೀ ಜಗತ್ತಿನ ಜನರನ್ನೇ ನಿಬ್ಬೆರಗಾಗಿಸಿತ್ತು. ಹಲವು ಮಿತಿಗಳ ನಡುವೆ ಇಂತಹ ಆವಿಷ್ಕಾರ ಮಾಡುವ ಇಸ್ರೊ ಸಾಮರ್ಥ್ಯ ಇಲ್ಲಿ ಪ್ರದರ್ಶಿತವಾಯಿತು.
ಈ ಕಾರ್ಯಾಚರಣೆಯು ಮಂಗಳ ಗ್ರಹದ ವಾತಾವರಣ, ಮೇಲ್ಮೈ ಮತ್ತು ಖನಿಜ ಸಂಯೋಜನೆಯನ್ನು ಅಧ್ಯಯನ ಮಾಡುವ ಗುರಿಯನ್ನು ಹೊಂದಿತ್ತು. ಆರ್ಬಿಟರ್ನಲ್ಲಿ ಐದು ವೈಜ್ಞಾನಿಕ ಉಪಕರಣಗಳನ್ನು ಬಳಸಿಕೊಳ್ಳಲಾಗಿತ್ತು. ಮೊದಲಿಗೆ ಕೇವಲ 6 ತಿಂಗಳಿಗೆ ಮಂಗಳನ ಅಧ್ಯಯನಕ್ಕೆಂದು ಪ್ಲಾನ್ ಮಾಡಲಾಗಿತ್ತಾದರೂ ಬಳಿಕೆ ಮಂಗಳಯಾನ ನೌಕೆಯು ಏಳು ವರ್ಷ ಆರು ತಿಂಗಳು 8 ದಿನಗಳ ಕಾಲ ಕಾರ್ಯನಿರ್ವಹಿಸಿ ಅಮೂಲ್ಯವಾದ ಮಾಹಿತಿಯ ಸಂಪತ್ತನ್ನು ಭೂಮಿಗೆ ರವಾನಿಸಿತು. ಕೆಂಪು ಗ್ರಹದ ಬಗ್ಗೆ ನಮ್ಮ ತಿಳುವಳಿಕೆಯನ್ನು ಪುಷ್ಟೀಕರಿಸಿತು ಮತ್ತು ಮಂಗಳದ ಧೂಳಿನ ಬಿರುಗಾಳಿಗಳು, ಮೀಥೇನ್ ಉಪಸ್ಥಿತಿ ಮತ್ತು ವಾತಾವರಣದ ಮಾದರಿಗಳ ಒಳನೋಟಗಳನ್ನು ಒದಗಿಸಿತು.
ಮಂಗಳಯಾನದ ಯಶಸ್ಸು ಜಾಗತಿಕವಾಗಿ ಪ್ರತಿಧ್ವನಿಸಿದೆ. ಪ್ರಮುಖ ಬಾಹ್ಯಾಕಾಶ ಸಂಸ್ಥೆಗಳಿಂದ ಮೆಚ್ಚುಗೆ ಮತ್ತು ಗೌರವವನ್ನು ಪಡೆಯಿತು. ಮೊದಲ ಪ್ರಯತ್ನದಲ್ಲಿ ಇಸ್ರೊ ವಿಜಯವು ಬಾಹ್ಯಾಕಾಶ ಪರಿಶೋಧನೆಯಲ್ಲಿ ಅಪರೂಪದ ಸಾಧನೆಯಾಗಿದೆ. ವಿಶೇಷವಾಗಿ ಕಡಿಮೆ ಬಜೆಟ್ನಲ್ಲಿ ಇಂತಹ ಸಾಧನೆ ಮಾಡಬಹುದೆಂದು ಇತರ ದೇಶಗಳಿಗೆ, ಭಾರತವು ದೊಡ್ಡ ಕನಸು ಕಾಣಬಹುದೆಂದು ಮತ್ತು ಇನ್ನೂ ದೊಡ್ಡದನ್ನು ಸಾಧಿಸಬಹುದು ಎಂಬುದನ್ನು ಸಾಬೀತುಪಡಿಸಿತು.
ಇಸ್ರೋ ಮುಂಬರುವ ವರ್ಷಗಳಲ್ಲಿ ಉಡಾವಣೆಗೆ ಸಿದ್ಧವಾಗಿರುವ ಮಂಗಳಯಾನ-2 ಅನ್ನು ಯೋಜಿಸುತ್ತಿದ್ದಂತೆ, ಮಾಮ್ ಪರಂಪರೆಯು ಸ್ಫೂರ್ತಿ ನೀಡುತ್ತಲೇ ಇದೆ. ಮುಂಬರುವ ಮಿಷನ್ ಮಂಗಳದ ಭೂವಿಜ್ಞಾನ ಮತ್ತು ವಾತಾವರಣವನ್ನು ಆಳವಾಗಿ ಅಧ್ಯಯನ ಮಾಡುವ ಗುರಿಯನ್ನು ಹೊಂದಿದೆ. ಈ ಹಿಂದೆ ಹಾಕಿ ಅಸ್ತಿಭಾರ ಹಾಕಿದ ಅಡಿಪಾಯವನ್ನು ಮುನ್ನಡೆಸುತ್ತದೆ. ಮಂಗಳಯಾನದ ಮೂಲಕ, ಭಾರತವು ಮಂಗಳವನ್ನು ತಲುಪಿದೆ ಮಾತ್ರವಲ್ಲದೆ, ದೂರದೃಷ್ಟಿ, ಕಠೋರತೆ ಮತ್ತು ಜಾಣ್ಮೆಯೊಂದಿಗೆ, ಅಂತರಗ್ರಹ ಪರಿಶೋಧನೆಯು ಕೈಗೆಟುಕುತ್ತದೆ ಎಂಬುದನ್ನು ಜಗತ್ತಿಗೆ ತೋರಿಸಿದೆ.
Join our WhatsApp Channel
