ಬೆಂಗಳೂರು, ಆ.14 www.bengaluruwire.com: ಜನಪ್ರಿಯ ಸಾಮಾಜಿಕ ಜಾಲತಾಣ ಇನ್ಸ್ಟಾಗ್ರಾಮ್ ತನ್ನ ಐಕಾನಿಕ್ ಲೋಗೋದಲ್ಲಿ ಬದಲಾವಣೆ ತಂದಿದೆ. ಸುಮಾರು ಒಂದು ದಶಕಕ್ಕೂ ಹೆಚ್ಚು ಕಾಲ ಬಳಕೆಯಲ್ಲಿದ್ದ ವರ್ಡ್ಮಾರ್ಕ್ (Wordmark) ಲೋಗೋವನ್ನು ಇದೀಗ ಕಂಪನಿ ಬದಲಾಯಿಸಿದೆ.
ಈ ಹೊಸ ಬದಲಾವಣೆಯ ಕುರಿತು ಇನ್ಸ್ಟಾಗ್ರಾಮ್ ಮುಖ್ಯಸ್ಥ ಆ್ಯಡಂ ಮೊಸೆರಿ ಅವರು ಇನ್ಸ್ಟಾಗ್ರಾಮ್ ಮತ್ತು ಥ್ರೆಡ್ಸ್ ಪ್ಲಾಟ್ಫಾರ್ಮ್ಗಳಲ್ಲಿ ಅಧಿಕೃತ ಮಾಹಿತಿ ಹಂಚಿಕೊಂಡಿದ್ದಾರೆ. ಹೊಸ ಲೋಗೋವನ್ನು ವಿವರಿಸಿದ ಅವರು, ಇದು ಹಿಂದಿಗಿಂತಲೂ ಹೆಚ್ಚು “ಸ್ಪಷ್ಟವಾಗಿ ಮತ್ತು ಆಧುನಿಕವಾಗಿ” ಕಾಣುತ್ತದೆ ಎಂದು ತಿಳಿಸಿದ್ದಾರೆ.
ಹಳೆಯ ಲೋಗೋದ ನೆನಪು, ಹೊಸತನದ ಸ್ಪರ್ಶ:
ಹೊಸ ಲೋಗೋ ವಿನ್ಯಾಸ ಮಾಡುವಾಗ ಹಳೆಯ ವಿನ್ಯಾಸದ ಮೂಲ ಆಶಯವನ್ನು ಉಳಿಸಿಕೊಳ್ಳಲಾಗಿದೆ. ಸರಳತೆಯನ್ನು ಕಾಯ್ದುಕೊಳ್ಳುವ ಜೊತೆಗೆ, ಸಮಕಾಲೀನ ತಂತ್ರಜ್ಞಾನಕ್ಕೆ ಒಗ್ಗುವಂತೆ ಲೋಗೋವನ್ನು ಮತ್ತಷ್ಟು ಆಕರ್ಷಕವಾಗಿ ವಿನ್ಯಾಸಗೊಳಿಸಲಾಗಿದೆ. ಬಳಕೆದಾರರಿಗೆ ಪರಿಚಿತವಾಗಿರುವ ಆಕರ್ಷಕ ನೋಟವನ್ನು ಹಾಗೆಯೇ ಮುಂದುವರಿಸುತ್ತಾ, ಅಕ್ಷರಗಳ ವಿನ್ಯಾಸದಲ್ಲಿ ಸಣ್ಣ ಬದಲಾವಣೆಗಳನ್ನು ಮಾಡಲಾಗಿದೆ.
ಇನ್ಸ್ಟಾಗ್ರಾಮ್ನ ಈ ಬದಲಾವಣೆಯು ಸೋಶಿಯಲ್ ಮೀಡಿಯಾ ಬಳಕೆದಾರರಲ್ಲಿ ಮತ್ತು ಟೆಕ್ ಪ್ರಿಯರಲ್ಲಿ ಹೊಸ ಚರ್ಚೆಗೆ ನಾಂದಿ ಹಾಡಿದೆ. (Image Source: Instagram)
Join our WhatsApp Channel
