ಎಲ್ಲರಿಗೂ ಯಾವುದೇ ವಿಚಾರವಾದರೂ ಮೊದಲನೆಯದರ ಬಗ್ಗೆ ಯಾವತ್ತಿಗೂ ವಿಶೇಷ ಒಲವಿರುತ್ತೆ. ಖ್ಯಾತ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ವಿಷ್ಯದಲ್ಲೂ ಇದೇ ಆಗಿದೆ. ಜಗತ್ತಿನ ಕ್ರಿಕೆಟ್ ದಂತಕಥೆ ಸಚಿನ್ ತಮ್ಮ ವೃತ್ತಿ ಜೀವನದಲ್ಲಿ ಕೋಟಿಗಟ್ಟಲೆ ಹಣ ಮಾಡಿರಬಹುದು. ಆದರೆ ತಮ್ಮ ಹಿಂದಿನ ನೆನಪುಗಳನ್ನು ಮಾತ್ರ ಮರೆತಿಲ್ಲ.
ಸಚಿನ್ ಅವರ ಮೊತ್ತ ಮೊದಲ ಕಾರು ಯಾವುದು ಗೊತ್ತಾ? ಮಾರುತಿ-800 ವಾಹನ ಬೇಯರ್ಸ್ ಬ್ಲೂ ಬಣ್ಣದ ಕಾರು. ಜೀವನದಲ್ಲಿ ಬಹುದೂರದ ವರೆಗೆ ಸಾಗಿರುವ ಸಚಿನ್ ತೆಂಡೂಲ್ಕರ್ ಇದೀಗ 20 ವರ್ಷಗಳ ನಂತರ ತಮ್ಮ ಹಳೆಯ ಕಾರಿಗೆ ಹೊದಿಸಿದ್ದ ಕವರ್ ತೆಗೆದು ಖುಷಿಯಿಂದ ಹಳೆಯ ನೆನಪುಗಳ ಮೆರವಣಿಗೆಯಲ್ಲಿ ಕಾರು ಓಡಿಸಿಕೊಂಡು ಹೋಗಿ, ಕೆರೆಯಲ್ಲಿ ಮೀನು ಹಿಡಿಯುವ ಹಾಗೂ ನಂತರ ಸ್ನೇಹಿತರೊಂದಿಗೆ ಸಂತೋಷದಿಂದ ಟೀ ಕುಡಿಯುವ ದೃಶ್ಯವನ್ನು ಸ್ಪಿನ್ನಿ (#Spinny) ಅನ್ನೋ ಕಾರು ಖರೀದಿ ಮತ್ತು ಮಾರಾಟ ಮಾಡುವ ಕಂಪನಿ ಮರುಸೃಷ್ಟಿ ಮಾಡಿದೆ.
ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಟ್ರೆಂಡಿಂಗ್ (#Trending) ಆಗಿದೆ.
Join our WhatsApp Channel
