ಬೆಂಗಳೂರು, ನ.30 www.bengaluruwire.com : ಸ್ಯಾಂಡಲ್ ವುಡ್ ಬ್ಯೂಟಿ ಕ್ವೀನ್ ರಮ್ಯಾ ಇತ್ತೀಚೆಗೆ ಹುಟ್ಟಿದ ಹಬ್ಬ ಆಚರಿಸಿಕೊಂಡಿದ್ದರು. ಅವರ ಬರ್ತಡೆಗೆ ಗಿಫ್ಟ್ ರೂಪದಲ್ಲಿ ತಮ್ಮ ವಿಭಿನ್ನ ಚಿತ್ರಕಲೆಗಳಿಂದಲೇ ಖ್ಯಾಗಿಗಳಿಸಿರುವ ಬಾದಲ್ ನಂಜುಂಡಸ್ವಾಮಿ ಕಟ್ಟಡ ಗೋಡೆಯ ಮೇಲೆ ಆಳೆತ್ತರದ ಚಿತ್ರ ಬರೆದು ಗಮನ ಸೆಳೆದಿದ್ದಾರೆ.
ಇಸ್ಪೀಟ್ ಎಲೆಯ ಕ್ವೀನ್ ಕಾರ್ಡ್ ಮೇಲೆ ಚಿತ್ರನಟಿ ಮತ್ತು ನಿರ್ಮಾಪಕಿ ರಮ್ಯ ಅವರಿಗೆ ಸುಂದರ ಕಿರೀಟ ಧರಿಸಿದ ದೈತ್ಯ ಚಿತ್ರದ ಪೈಟಿಂಗ್ ರಚಿಸಿದ್ದಾರೆ. ಈ ಚಿತ್ರವನ್ನು ಬಾದಲ್ ನಂಜುಂಡಸ್ವಾಮಿ ತಮ್ಮ ಅಧಿಕೃತ ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದು, ಅದರಲ್ಲಿ ರಮ್ಯ ಅವರಿಗೆ ಹುಟ್ಟುಹಬ್ಬದ ಶುಭಾಶಯಗಳನ್ನು ಕೋರಿದ್ದಾರೆ.
ಇಸ್ಪೀಟ್ ಎಲೆಯಲ್ಲಿನ ಕ್ವೀನ್ ಧಿರಿಸನ್ನೇ ಪೈಂಟ್ ಮಾಡಿ ಅದರಲ್ಲಿ ರಮ್ಯ ಅವರ 35 ಅಡಿ ಉದ್ದ ಹಾಗೂ 15 ಅಡಿ ಅಗಲದ ಆಳೆತ್ತರದ ಚಿತ್ರವನ್ನು ನಿರ್ಮಿಸಿದ್ದಾರೆ. ಬಾದಲ್ ನಂಜುಂಡಸ್ವಾಮಿ ಚಿತ್ರ ರಚಿಸುತ್ತಿರುವ ಸಂದರ್ಭದ ವಿಡಿಯೋವನ್ನು ಹಂಚಿಕೊಂಡಿರುವ ಟ್ವಿಟರ್ ಅನ್ನು ರಮ್ಯಾ ರೀಟ್ವೀಟ್ ಮಾಡಿ ತಮ್ಮ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.
Join our WhatsApp Channel
