ಬೆಂಗಳೂರು: ಫೆ.15 www.bengaluruwire.com : ನಗರದ ಹಲವು ಕಡೆಗಳಲ್ಲಿ ನಮ್ಮ ಮೆಟ್ರೋ ಮಾರ್ಗದ ಕಾಮಗಾರಿಗಳು ನಡೆಯುತ್ತಿದೆ. ಹೀಗಾಗಿ 14ನೇ ಮುಖ್ಯರಸ್ತೆಯಿಂದ 19ನೇ ಮುಖ್ಯರಸ್ತೆವರೆಗೆ ಅಂದರೆ ಸಿಲ್ಕ್ ಬೋರ್ಡ್‌ಗೆ ಕಡೆಗೆ ಹಾಗೂ ಇಬ್ಬಲೂರು ಕಡೆಗೆ ಸಾಗುವ ಫ್ಲೈಓವರ್ ರಸ್ತೆಗಳನ್ನು ಇಂದು ಮಧ್ಯಾಹ್ನದಿಂದ ಮತ್ತು ನಾಳೆ ಬೆಳಗ್ಗೆವರೆಗೆ ಬಂದ್ ಮಾಡಲಾಗುತ್ತಿದೆ.
ಹೀಗಾಗಿ ಈ ಭಾಗಗಳಲ್ಲಿ ಸಂಚಾರ ದಟ್ಟಣೆ ಹೆಚ್ಚಾಗಲಿದೆ. ಹೆಚ್.ಎಸ್.ಆರ್. ಲೇಔಟ್ 14ನೇ ಮುಖ್ಯರಸ್ತೆ ಪ್ರೈಓವರ್ (ಬಿಡಿಎ ಪ್ರೈಓವರ್) ಮೇಲ್ಬಾಗದಲ್ಲಿ ಬಿಎಂಆರ್‌ಸಿಎಲ್ ನಿಂದ ಪ್ರೈಡಿಂಗ್ ಗರ್ಡಲ್ ನ ದುರಸ್ತಿ ಕಾರ್ಯವನ್ನು ಕೈಗೊಳ್ಳಲಾಗುತ್ತಿದೆ. ಹೀಗಾಗಿ ಇಂದು (ಫೆ.15) ಮಧ್ಯಾಹ್ನ 02 ಗಂಟೆಯಿಂದ ನಾಳೆ ಬೆಳಗ್ಗೆ 10 ಗಂಟೆ ವರೆಗೆ ಮೇಲ್ಸೇತುವೆ ಮುಚ್ಚಲಿರುವುದರಿಂದ ವಾಹನ ಸವಾರರು ಬದಲಿ ಮಾರ್ಗದಲ್ಲಿ ಚಲಿಸಲು ಕೋರಲಾಗಿದ್ದು ಪ್ರಯಣದ ಮಾರ್ಗವನ್ನು ಬದಲಿಸುವಂತೆ ನಗರ ಸಂಚಾರ ಪೊಲೀಸರು ತಿಳಿಸಿದ್ದಾರೆ.
ಮೊನ್ನೆಯಷ್ಟೇ ನಡೆದ ಎಚ್‌ಎಸ್‌ಆರ್‌ನ 14ನೇ ಮೇನ್‌ ಬಳಿ ಮೆಟ್ರೋ ಕಾಮಗಾರಿಯಿಂದಾಗಿ ಫ್ಲೈಓವರ್ ಬಂದ್ ಆಗಿ ರಸ್ತೆ ದಟ್ಟಣೆ ಉಂಟಾಗಿತ್ತು.
ವಾಹನ ಸವಾರರಿಗೆ ಪರ್ಯಾಯ ರಸ್ತೆಗಳು ಯಾವುದು?:
* ಸಿಲ್ಕ ಬೊರ್ಡ್ ಕಡೆಗೆ ಸಾಗುವ ವಾಹನ ಸವಾರರು- 14ನೇ ಮುಖ್ಯರಸ್ತೆ ಸರ್ವಿಸ್ ರಸ್ತೆ ಮೂಲಕ ಸಾಗಬಹುದು ಅಥವಾ ಹೊರವರ್ತುಲ ರಸ್ತೆ 19ನೇ ಮುಖ್ಯರಸ್ತೆಯಲ್ಲಿ ಎಡ ತಿರುವು ಪಡೆದುಕೊಂಡು 17ನೇ ಕ್ರಾಸ್ ನಲ್ಲಿ ಸಾಗಿ 5ನೇ ಮುಖ್ಯರಸ್ತೆ ಮೂಲಕ ಸಿಲ್ಕ್ ಬೋರ್ಡ್ ಜಂಕ್ಷನ್‌ಗೆ ತೆರಳಬಹುದು.
* ಇಬ್ಬಲೂರು ಕಡೆಗೆ ಸಾಗುವ ವಾಹನ ಸವಾರರು- 14ನೇ ಮುಖ್ಯರಸ್ತೆಯ ಸರ್ವಿಸ್ ರಸ್ತೆಯಲ್ಲಿ ಹೋಗಬಹುದು ಅಥವಾ 14ನೇ ಮುಖ್ಯರಸ್ತೆ ಜಂಕ್ಷನ್ ನಲ್ಲಿ ಎಡ ತಿರುವು ಪಡೆದುಕೊಂಡು ಆಟೋಮಾರ್ಟ್ ಜಂಕ್ಷನ್ ಕಡೆಗೆ ಸಾಗಿ ಅಗರ ಮೂಲಕ ಇಬ್ಬಲೂರಿಗೆ ತೆರಳಬಹುದು.
Join our WhatsApp Channel
