ಮುಂಬೈ, ಫೆ.12 www.bengaluruwire.com : ದೇಶದ ಆರ್ಥಿಕ ರಾಜಧಾನಿ ಮುಂಬೈ ಈಗ ಮತ್ತೊಂದು ಜಾಗತಿಕ ಮಟ್ಟದ ವಿಶೇಷತೆಗೆ ಸಾಕ್ಷಿಯಾಗಿದೆ. ಬೃಹನ್ಮುಂಬೈ ಮುನ್ಸಿಪಲ್ ಕಾರ್ಪೊರೇಷನ್ (BMC) ಛತ್ರಪತಿ ಸಂಭಾಜಿ ಮಹಾರಾಜ್ ಕರಾವಳಿ ರಸ್ತೆಯಲ್ಲಿ (Coastal Road) 500 ಮೀಟರ್ ಉದ್ದದ ‘ಸಂಗೀತ ರಸ್ತೆ’ಯನ್ನು (Musical Road) ಪರಿಚಯಿಸಿದೆ.
ಗುರುವಾರ ನಡೆದ ಅದ್ಧೂರಿ ಕಾರ್ಯಕ್ರಮದಲ್ಲಿ ಮಹಾರಾಷ್ಟ್ರದ ಮುಖ್ಯಮಂತ್ರಿ ದೇವೇಂದ್ರ ಫಡ್ನವೀಸ್ ಮತ್ತು ಉಪಮುಖ್ಯಮಂತ್ರಿ ಏಕನಾಥ್ ಶಿಂಧೆ ಅವರು ಈ ನೂತನ ರಸ್ತೆಯನ್ನು ಉದ್ಘಾಟಿಸಿದರು. ವಿಶೇಷವೆಂದರೆ, ಗಣ್ಯರು ತಾವೇ ಖುದ್ದಾಗಿ ಕಾರು ಚಲಾಯಿಸುವ ಮೂಲಕ ರಸ್ತೆಯಲ್ಲಿ ಮೂಡಿಬರುವ ಸಂಗೀತದ ಮ್ಯಾಜಿಕ್ ಅನ್ನು ಅನುಭವಿಸಿದರು.
ಏನಿದು ಸಂಗೀತ ರಸ್ತೆ? ಹೇಗೆ ಕೆಲಸ ಮಾಡುತ್ತದೆ?:
ಜಪಾನ್ ಮತ್ತು ಅಮೆರಿಕದಂತಹ ಮುಂದುವರಿದ ದೇಶಗಳಲ್ಲಿರುವ ತಂತ್ರಜ್ಞಾನದಿಂದ ಪ್ರೇರಿತವಾಗಿ ಈ ರಸ್ತೆಯನ್ನು ವಿನ್ಯಾಸಗೊಳಿಸಲಾಗಿದೆ. ನಾರಿಮನ್ ಪಾಯಿಂಟ್ ಮತ್ತು ವರ್ಲಿ ನಡುವಿನ ಕ್ಯಾರೇಜ್ವೇಯಲ್ಲಿ ಅಳವಡಿಸಲಾಗಿರುವ ಈ ವಿಶೇಷ ವಿಭಾಗದಲ್ಲಿ, ರಸ್ತೆಯ ಮೇಲ್ಮೈಯಲ್ಲಿ ವಿಶೇಷವಾದ ಚಡಿಗಳನ್ನು (Grooves) ವಿನ್ಯಾಸಗೊಳಿಸಲಾಗಿದೆ. ವಾಹನಗಳು ಸುಮಾರು 70–80 ಕಿಮೀ/ಪ್ರತಿ ಗಂಟೆಗೆ ಈ ವೇಗದಲ್ಲಿ ಚಲಿಸಿದಾಗ, ಟೈರ್ಗಳು ಮತ್ತು ಈ ಚಡಿಗಳ ನಡುವಿನ ಘರ್ಷಣೆಯಿಂದ ಕಂಪನ ಉಂಟಾಗುತ್ತದೆ.
ಈ ಕಂಪನಗಳು ‘ಸ್ಲಂ ಡಾಗ್ ಮಿಲಿಯನೇರ್’ ಚಿತ್ರದ ವಿಶ್ವಪ್ರಸಿದ್ಧ ‘ಜೈ ಹೋ’ ಹಾಡಿನ ಮಧುರ ಧ್ವನಿಯನ್ನು ಹೊರಹಾಕುತ್ತವೆ.
ಮುಂಬೈನ ಈ ಹೊಸ ಪ್ರಯೋಗವು ಪ್ರವಾಸಿಗರನ್ನು ಆಕರ್ಷಿಸುವುದಲ್ಲದೆ, ವಾಹನ ಸವಾರರು ವೇಗಮಿತಿಯನ್ನು ಕಾಯ್ದುಕೊಳ್ಳುವಂತೆ ಪ್ರೇರೇಪಿಸುವ ವಿಶಿಷ್ಟ ಸುರಕ್ಷತಾ ಕ್ರಮವಾಗಿಯೂ ಗಮನ ಸೆಳೆದಿದೆ.
Join our WhatsApp Channel
