‘ಸಲಾರ್’ (Salaar Teaser) ಸಿನಿಮಾದ ಟೀಸರ್ ಗುರುವಾರ ಬೆಳಗಿನ ಜಾವ 5.12ಕ್ಕೆ ಬಿಡುಗಡೆ ಆಗಿದೆ. ತೆಲುಗಿನ ಖ್ಯಾತ ನಟ ಪ್ರಭಾಸ್ (Prabhas) ಮತ್ತು ಕನ್ನಡದ ಪ್ರತಿಭಾವಂತ ನಿರ್ದೇಶಕ ಪ್ರಶಾಂತ್ ನೀಲ್ (Prashanth Neel) ಕಾಂಬಿನೇಷನ್ ನಲ್ಲಿ ಚಿತ್ರ ನಿರ್ಮಾಣವಾಗುತ್ತಿದೆ.
ಟೀಸರ್ ತುಂಬಾ ಪ್ರಶಾಂತ್ ನೀಲ್ ಮೇಕಿಂಗ್ ಮತ್ತು ಪ್ರಭಾಸ್ ಅವರ ಅಬ್ಬರ ಕಂಡು ಬರುತ್ತಿದೆ. ಬಹಳ ಅದ್ದೂರಿಯಾಗಿ ಮೂಡಿ ಬಂದಿರುವ ಟೀಸರ್ ನಲ್ಲಿ ಹತ್ತು ಹಲವು ಕುತೂಹಲದ ಅಂಶಗಳಿವೆ. ಮತ್ತೆ ಪ್ರಶಾಂತ್ ನೀಲ್ ನೆರಳು ಬೆಳಕಿನ ಆಟವಾಡಿದ್ದಾರೆ. ಸೆಪ್ಟೆಂಬರ್ 28 ರಂದು ವಿಶ್ವದಾದ್ಯಂತ ಬಿಡುಗಡೆಯಾಗಲಿರುವ ಸಲಾರ್ ಬಗ್ಗೆ ಅಭಿಮಾನಿಗಳು ಬೆಟ್ಟದಷ್ಟು ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ. ಈ ಮಧ್ಯೆ ಇಂದು ಚಿತ್ರದ ಟೀಸರ್ ರಿಲೀಸ್ ಆಗಿದೆ.
ಸಲಾರ್ ಸಿನಿಮಾದ ಸ್ಟಿಲ್ ಮತ್ತು ಕೆಲವು ಮೇಕಿಂಗ್ ವಿಡಿಯೋ ದೃಶ್ಯಗಳನ್ನು ನೋಡಿದಾಗ ಮತ್ತೆ ಕೆಜಿಎಫ್ (KGF) ವಾತಾವರಣವನ್ನೇ ಪ್ರಶಾಂತ್ ನೀಲ್ ನೆನಪಿಸಿದ್ದಾರೆ ಅನಿಸಿತ್ತು. ಕೊಂಚ ಅದೇ ಹೋಲಿಕೆ ಎಂದು ಕಂಡುಬಂದರೂ, ಕೆಜಿಎಫ್ ಗಿಂತಲೂ ವಿಭಿನ್ನವಾದ ಆಲೋಚನೆಯಲ್ಲಿ ಸಿನಿಮಾವನ್ನು ಕಟ್ಟಿಕೊಡಲಿದ್ದಾರೆ ಎಂಬಂತೆ ತೋರುತ್ತಿದೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Hereಸಿನಿಪ್ರಿಯರ ನಿರೀಕ್ಷೆಯನ್ನು ನಿರ್ದೇಶಕ ಪ್ರಶಾಂತ್ ನೀಲ್ ಮತ್ತೊಮ್ಮೆ ಇಮ್ಮಡಿಗೊಳಿಸಿದ್ದಾರೆ. ಸಲಾರ್ ಸಿನಿಮಾ ಟೀಸರ್‌ನಲ್ಲಿ ಪ್ರಭಾಸ್ ಅವರ ಪವರ್ ಫುಲ್ ಲುಕ್ ಅಭಿಮಾನಿಗಳ ಮೆಚ್ಚುಗೆಗೆ ಪಾತ್ರವಾಗಿದೆ. ಪವರ್ ಫುಲ್ ಫೈಟ್ ನ ದೃಶ್ಯಗಳನ್ನು ಟೀಸರ್ ನಲ್ಲಿ ತೋರಿಸಲಾಗಿದೆ.
Exclusive Offer for Bengaluru Wire Readers- Visit Amazon Website Click Hereರೌಡಿಗಳ ಗ್ಯಾಂಗ್ ಸುತ್ತುವರೆದು ಶೂಟ್ ಮಾಡಲು ಪ್ರಯತ್ನಿಸುತ್ತಿರುವಾಗ.. ಒಂದು ಡೈಲಾಗ್‌ನೊಂದಿಗೆ ಟೀಸರ್ ಆರಂಭವಾಗುತ್ತದೆ. “ಸಿಂಹ.. ಚಿರತೆ.. ಹುಲಿ.. ಆನೆ.. ತುಂಬಾ ಡೇಂಜರಸ್..” ಎನ್ನುತ್ತಾ ಮಾಸ್ ಡೈಲಾಗ್‌ ಜೊತೆ ಟೀಸರ್ ಮುಂದುವರೆಯುತ್ತದೆ. ಪ್ರಭಾಸ್ ಕೈಯಲ್ಲಿ ಆಯುಧ ಹಿಡಿದಿರುವ, ಮುಷ್ಟಿ ಬಿಗಿ ಹಿಡಿದು ನಿಂತಿರುವ ದೃಶ್ಯಗಳು ಟೀಸರ್ ನೋಡಿದವರ ಮೈಗೂದಲು ನಿಲ್ಲುವಂತೆ ಮಾಡುತ್ತೆ. ಕೆಜಿಎಫ್ ಶೈಲಿಯಲ್ಲಿ ನಾಯಕ ಪ್ರಭಾಸ್ ಪಾತ್ರವನ್ನು ಪ್ರಶಾಂತ್ ನೀಲ್, ಪವರ್ ಫುಲ್ ಆಗಿ ವಿನ್ಯಾಸ ಮಾಡಿದ್ದಾರೆ. ಇದು ಪ್ರಭಾಸ್ ಅಭಿಮಾನಿಗಳ ಹೃದಯ ಗೆಲ್ಲುವಲ್ಲಿ ಸಹಕಾರಿಯಾಗಿದೆ. ಪ್ರಭಾಸ್‌ಗೆ ಈ ಚಿತ್ರ ಬಿಗ್‌ ಸಕ್ಸಸ್‌ ತಂದು ಕೊಡಲಿದೆ ಎಂಬುದು ಫ್ಯಾನ್ಸ್‌ ಅಭಿಪ್ರಾಯವಾಗಿದೆ.
