ಬೆಂಗಳೂರು, ಜು.25 www.bengaluruwire.com : ದೇಶದ 75ನೇ ವರ್ಷದ ಸ್ವಾತಂತ್ರ್ಯ ಸಂಭ್ರಮದ ಅಮೃತ ಮಹೋತ್ಸವದ ಹಿನ್ನಲೆಯಲ್ಲಿ ಆಗಸ್ಟ್ 11 ರಿಂದ 15ನೆಯ ತಾರೀಖಿನವರೆಗೆ ಪ್ರತಿ ಮನೆಯಲ್ಲೂ ರಾಷ್ಟ್ರಧ್ವಜ ಹಾರಿಸಿ ದೇಶಭಕ್ತಿ ಮೆರೆಯಲು ಬೆಂಗಳೂರಿನ ವ್ಯಾಪ್ತಿಗೆಂದು ರಾಜ್ಯ ಸರ್ಕಾರವು 2 ಲಕ್ಷ ರಾಷ್ಟ್ರಧ್ವಜಗಳನ್ನು ಬಿಬಿಎಂಪಿಗೆ ಹಂಚಿಕೆ ಮಾಡಿದೆ.
ಕೇಂದ್ರ ಸರ್ಕಾರದ ಹರ್ ಘರ್ ಮೆ ತಿರಂಗ್ ಎಂಬ ಘೋಷವಾಕ್ಯದಡಿ ಈ ರಾಷ್ಟ್ರಧ್ವಜಗಳನ್ನು ಪಾಲಿಕೆಗೆ ರಾಜ್ಯ ಸರ್ಕಾರವು ಹಂಚಿಕೆ ಮಾಡಿದೆ. ಈ ಕುರಿತಂತೆ ರಾಜ್ಯ ಸರ್ಕಾರವು ಇಂತಿಷ್ಟು ಧ್ವಜ ಬೇಕೆಂದು ಕೇಂದ್ರಕ್ಕೆ ಬೇಡಿಕೆ ಸಲ್ಲಿಸಿತ್ತು.
ಬಿಬಿಎಂಪಿಯು ವಲಯವಾರು ಈ ಬಾವುಟಗಳನ್ನು ಪಾಲಿಕೆ ವಲಯ ಮಟ್ಟದ ಬಿಬಿಎಂಪಿ ಅಧಿಕಾರಿಗಳನ್ನು ಸಂಪರ್ಕಿಸಿ, 22 ರಿಂದ 25 ರೂ. ನಡುವೆ ಪಾಲಿಕೆ ನಿಗಧಿಪಡಿಸುವ ಮೊತ್ತ ಪಾವತಿಸಿ ಸಾರ್ವಜನಿಕರು ಬಿಬಿಎಂಪಿಯ ನೀಡುವ ಬಾವುಟಗಳನ್ನು ಪಡೆದುಕೊಳ್ಳಬಹುದು.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Hereಈ ಸಂಬಂಧ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಉನ್ನತಮಟ್ಟದ ಸಮಿತಿಯು ಎರಡು ಲಕ್ಷ ಧ್ವಜಗಳನ್ನು ಬಿಬಿಎಂಪಿಗೆ ಬುಧವಾರದ ಒಳಗೆ ವಿತರಿಸಲಿದೆ. ಪೂರ್ವ ವಲಕ್ಕೆ 42,000, ಪಶ್ಚಿಮ ವಲಯಕ್ಕೆ – 36,000, ದಕ್ಷಿಣ ವಲಯಕ್ಕೆ – 40,000, ಮಹದೇವಪುರ ವಲಯ – 20,000, ಬೊಮ್ಮನಹಳ್ಳಿ – 22,000, ಯಲಹಂಕ – 14,000, ರಾಜರಾಜೇಶ್ವರಿ ನಗರ – 16,000, ದಾಸರಹಳ್ಳಿ ವಲಯಕ್ಕೆ – 10,000 ಸೇರಿದಂತೆ ಒಟ್ಟು 2 ಲಕ್ಷ ರಾಷ್ಟ್ರಧ್ವಜಗಳು ಹಂಚಿಕೆಯಾಗಲಿದೆ.
Exclusive Offer for Bengaluru Wire Readers- Visit Amazon Website Click Hereಆಯಾ ವಲಯವಾರು ಕಾರ್ಯಪಾಲಕ ಅಭಿಯಂತರರು ಧ್ವಜ ವಿತರಣೆಗೆ ಅಗತ್ಯ ಕ್ರಮ ಕೈಗೊಳ್ಳಬೇಕು. ಹಾಗೂ ಈ ಕಾರ್ಯಕ್ರಮದ ಸಂಪೂರ್ಣ ಉಸ್ತುವಾರಿಯನ್ನು ಪಾಲಿಕೆ ಸಾರ್ವಜನಿಕ ಸಂಪರ್ಕ ಅಧಿಕಾರಿಗೆ ವಹಿಸಲಾಗಿದೆ ಎಂದು ಬಿಬಿಎಂಪಿ ಆಡಳಿತ ವಿಭಾಗದ ಉಪ ಆಯುಕ್ತರು ತಮ್ಮ ಕಚೇರಿ ಆದೇಶದಲ್ಲಿ ತಿಳಿಸಿದ್ದಾರೆ.
