ಬೆಂಗಳೂರು, ಸೆ.11 www.bengaluruwire.com : ಗ್ರೇಟರ್ ಬೆಂಗಳೂರು ಪ್ರಾಧಿಕಾರದ ಅಡಿಯಲ್ಲಿ ಐದು ಪ್ರತ್ಯೇಕ ಬೆಂಗಳೂರು ನಗರ ಪಾಲಿಕೆಗಳಲ್ಲಿನ 10 ವಲಯಗಳಿಗೆ ಸಾರ್ವಜನಿಕರ ಮತ್ತು ಆಡಳಿತದ ಅನುಕೂಲಕ್ಕಾಗಿ ಹೊಸ ಹೆಸರುಗಳನ್ನು ನೀಡಲಾಗಿದೆ.
ಹೊಸ ವಲಯಗಳ ಹೆಸರುಗಳು ಹಾಗೂ ಅವುಗಳ ವ್ಯಾಪ್ತಿಗೆ ಬರುವ ವಿಧಾನಸಭಾ ಕ್ಷೇತ್ರಗಳ ಮಾಹಿತಿಯು ಈ ಕೆಳಕಂಡಂತಿದೆ.
* ಬೆಂಗಳೂರು ಕೇಂದ್ರ ನಗರ ಪಾಲಿಕೆ: ಈ ಪಾಲಿಕೆಯು ಎರಡು ವಲಯಗಳನ್ನು ಹೊಂದಿದೆ. ಮೊದಲನೆಯ ವಲಯವನ್ನು ‘ಸಿ.ವಿ. ರಾಮನ್ ನಗರ’ ಎಂದು ಹೆಸರಿಸಲಾಗಿದ್ದು, ಇದು ಸಿ.ವಿ. ರಾಮನ್ ನಗರ ಮತ್ತು ಶಾಂತಿನಗರ ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ. ಎರಡನೇ ವಲಯ ‘ಗಾಂಧಿನಗರ’ ಎಂದು ಗುರುತಿಸಲ್ಪಟ್ಟಿದೆ ಮತ್ತು ಗಾಂಧಿನಗರ, ಶಿವಾಜಿನಗರ, ಚಾಮರಾಜಪೇಟೆ, ಮತ್ತು ಚಿಕ್ಕಪೇಟೆ ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ.
* ಬೆಂಗಳೂರು ಪೂರ್ವ ನಗರ ಪಾಲಿಕೆ: ಈ ಪಾಲಿಕೆಯ ವಲಯ 1 ಅನ್ನು ‘ಮಹದೇವಪುರ’ ಎಂದು ಕರೆಯಲಾಗಿದೆ, ಇದು ಮಹದೇವಪುರ ವಿಧಾನಸಭಾ ಕ್ಷೇತ್ರದ ಭಾಗಶಃ ಪ್ರದೇಶಗಳನ್ನು ಒಳಗೊಂಡಿದೆ. ವಲಯ 2 ‘ಕೆ.ಆರ್. ಪುರ’ ಎಂದು ಹೆಸರಿಸಲ್ಪಟ್ಟಿದೆ, ಇದು ಕೆ.ಆರ್. ಪುರ ವಿಧಾನಸಭಾ ಕ್ಷೇತ್ರವನ್ನು ಹೊಂದಿದೆ.
* ಬೆಂಗಳೂರು ದಕ್ಷಿಣ ನಗರ ಪಾಲಿಕೆ: ಈ ಪಾಲಿಕೆಯ ವಲಯ 1 ‘ಜಯನಗರ’ ಎಂದು ಹೆಸರಿಸಲಾಗಿದ್ದು, ಇದು ಜಯನಗರ, ಪದ್ಮನಾಭನಗರ (ಭಾಗಶಃ), ಯಶವಂತಪುರ (ಭಾಗಶಃ), ರಾಜರಾಜೇಶ್ವರಿನಗರ (ಭಾಗಶಃ), ಮತ್ತು ಬೆಂಗಳೂರು ದಕ್ಷಿಣ ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ. ವಲಯ 2 ‘ಬೊಮ್ಮನಹಳ್ಳಿ’ ಎಂದು ಕರೆಯಲ್ಪಟ್ಟಿದೆ, ಇದು ಬೊಮ್ಮನಹಳ್ಳಿ, ಬಿಟಿಎಂ ಲೇಔಟ್, ಮಹದೇವಪುರ (ಭಾಗಶಃ), ಮತ್ತು ಆನೇಕಲ್ (ಭಾಗಶಃ) ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ.
* ಬೆಂಗಳೂರು ಪಶ್ಚಿಮ ನಗರ ಪಾಲಿಕೆ: ಈ ಪಾಲಿಕೆಯ ವಲಯ 1 ‘ರಾಜರಾಜೇಶ್ವರಿ ನಗರ’ ಎಂದು ಹೆಸರಿಸಲಾಗಿದೆ, ಇದು ರಾಜರಾಜೇಶ್ವರಿನಗರ (ಭಾಗಶಃ), ಯಶವಂತಪುರ (ಭಾಗಶಃ), ದಾಸರಹಳ್ಳಿ (ಭಾಗಶಃ), ಮತ್ತು ಮಹಾಲಕ್ಷ್ಮಿ ಲೇಔಟ್ ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ. ವಲಯ 2 ‘ಮಲ್ಲೇಶ್ವರಂ’ ಎಂದು ಹೆಸರಿಸಲಾಗಿದೆ, ಇದು ಮಲ್ಲೇಶ್ವರಂ, ರಾಜಾಜಿನಗರ, ಗೋವಿಂದರಾಜ್ ನಗರ, ವಿಜಯನಗರ, ಬಸವನಗುಡಿ, ಮತ್ತು ಪದ್ಮನಾಭ ನಗರ (ಭಾಗಶಃ) ವಿಧಾನಸಭಾ ಕ್ಷೇತ್ರಗಳ ವ್ಯಾಪ್ತಿ ಹೊಂದಿದೆ.
* ಬೆಂಗಳೂರು ಉತ್ತರ ನಗರ ಪಾಲಿಕೆ: ಈ ಪಾಲಿಕೆಯ ವಲಯ 1 ‘ಬ್ಯಾಟರಾಯನಪುರ‘ ಎಂದು ಹೆಸರಿಸಲ್ಪಟ್ಟಿದೆ ಮತ್ತು ಇದು ಬ್ಯಾಟರಾಯನಪುರ, ಸರ್ವಜ್ಞ ನಗರ, ಮತ್ತು ಪುಲಿಕೇಶಿ ನಗರ ವಿಧಾನಸಭಾ ಕ್ಷೇತ್ರಗಳನ್ನು ಹೊಂದಿದೆ. ವಲಯ 2 ‘ಯಲಹಂಕ‘ ಎಂದು ಕರೆಯಲ್ಪಟ್ಟಿದೆ, ಇದು ಯಲಹಂಕ, ದಾಸರಹಳ್ಳಿ (ಭಾಗಶಃ), ಮತ್ತು ಹೆಬ್ಬಾಳ ವಿಧಾನಸಭಾ ಕ್ಷೇತ್ರಗಳನ್ನು ಒಳಗೊಂಡಿದೆ.
Join our WhatsApp Channel
