ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿ ಎಲಾನ್ ಮಸ್ಕ್ (Elon Musk), ಅಮೆರಿಕದ ಕಾರ್ಪೊರೇಟ್ ವಲಯದಲ್ಲಿ ಅವರ ವೃತ್ತಿ ಜೀವನದ ಆರಂಭ ಅಷ್ಟು ಸುಲಭವಾಗಿರಲಿಲ್ಲ. ಟೆಸ್ಲಾ ಮುಖ್ಯಸ್ಥರಾದ ಎಲಾನ್, ತಮ್ಮ ಆರಂಭಿಕ ದಿನಗಳ ಹೋರಾಟಗಳಿಂದ ಮತ್ತು ಉದ್ಯಮಶೀಲತೆಯ ಹಾದಿಯನ್ನು ಹೇಗೆ ಆರಿಸಿಕೊಂಡರು ಎಂಬ ಬಗ್ಗೆ ಕಾರ್ಯಕ್ರಮವೊಂದರಲ್ಲಿ ಮಸ್ಕ್ ತಮ್ಮ ಜೀವನ ಪ್ರಯಾಣದ ಬಗ್ಗೆ ಮಾತನಾಡಿದ್ದಾರೆ.
90 ರ ದಶಕದ ಮಧ್ಯಭಾಗದಲ್ಲಿ ನಾವೀನ್ಯತೆಯ ಯುಗ (Era of innovation)ದ ಬಗ್ಗೆ ಮಾತನಾಡುತ್ತಾ, ಮಸ್ಕ್ ಅವರು ತಮ್ಮ ಸ್ವಂತ ವ್ಯವಹಾರವನ್ನು ಪ್ರಾರಂಭಿಸಲು ಎಂದಿಗೂ ಆಸಕ್ತಿ ಹೊಂದಿರಲಿಲ್ವಂತೆ. ಬದಲಾಗಿ, ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯ (University of Pennsylvania)ದಿಂದ ಪದವಿ ಪಡೆದ ನಂತರ ಅವರು ನೆಟ್ಸ್ಕೇಪ್ (Netscape)ನಲ್ಲಿ ಕೆಲಸ ಪಡೆಯಲು ಪ್ರಯತ್ನಿಸಿದ್ದರು. ಈಗ, ಅವರು ಮಾರ್ಕ್ ಆಂಡ್ರೀಸೆನ್ ಅವರನ್ನು ಸ್ನೇಹಿತ ಎಂದು ಕರೆಯಬಹುದು ಆದರೆ ಆಗ ವಿಷಯಗಳು ವಿಭಿನ್ನವಾಗಿದ್ದವು. “ನಾನು ಇ- ಮೇಲ್ ಮಾಡಿದ ನನ್ನ ರೆಸ್ಯೂಮ್ಗೆ ಅವರು (ನೆಟ್ಸ್ಕೇಪ್) ಪ್ರತಿಕ್ರಿಯಿಸಲಿಲ್ಲ. ‘ನಾನು ಕೆಲವು ಇಂಟರ್ನೆಟ್ ಸಾಫ್ಟ್ವೇರ್ ಬರೆಯುತ್ತೇನೆ’ ಎಂದು ನಾನು ಭಾವಿಸಿದೆ ಮತ್ತು 1995 ರಲ್ಲಿ ಇಂಟರ್ನೆಟ್ನಲ್ಲಿ ಮೊದಲ ನಕ್ಷೆಗಳು ಮತ್ತು ನಿರ್ದೇಶನಗಳನ್ನು ಬರೆದೆ” ಎಂದರು.
ನೆಟ್ಸ್ಕೇಪ್ ಮಾತ್ರವಲ್ಲದೆ ಬೇರೆ ಯಾವುದೇ ಕಂಪನಿಯು ಅವರನ್ನು ನೇಮಿಸಿಕೊಳ್ಳಲು ಆಸಕ್ತಿ ಹೊಂದಿಲ್ಲ ಎಂಬುದರ ಬಗ್ಗೆಯೂ ಮಸ್ಕ್ ಮಾತನಾಡಿದರು. “ಇಂಟರ್ನೆಟ್ನಲ್ಲಿ ಯಾರೂ ನನಗೆ ಕೆಲಸ ಕೊಡುವುದಿಲ್ಲ ಎಂಬುದೇ ಇದಕ್ಕೆ ಕಾರಣ. ಅವರು ನನಗೆ ಕೆಲಸ ನೀಡಿದ್ದರೆ, ನಾನು ನೆಟ್ಸ್ಕೇಪ್ ಅಥವಾ ಅಂತಹದ್ದೇನಾದರೂ ಕೆಲಸ ಮಾಡುತ್ತಿದ್ದೆನೋ” ಎಂದು ತಮ್ಮ ಹಳೆಯ ದಿನಗಳನ್ನು ಸ್ಮರಿಸಿದರು.
2012 ರಲ್ಲಿ ಹೂಡಿಕೆದಾರ ಕೆವಿನ್ ರೋಸ್ ಅವರೊಂದಿಗಿನ ಸಂದರ್ಶನದಲ್ಲಿ, ಮಸ್ಕ್ ಯಾರೊಂದಿಗಾದರೂ ಮಾತನಾಡಲು ನೆಟ್ಸ್ಕೇಪ್ ಲಾಬಿಗೆ ಭೇಟಿ ನೀಡುತ್ತಿದ್ದುದನ್ನು ನೆನಪಿಸಿಕೊಂಡರು. “ಆಗ ನಾನು ಮಾತನಾಡಲು ತುಂಬಾ ನಾಚಿಕೆಪಡುತ್ತಿದ್ದೆ” ಎಂದು ಮಸ್ಕ್ ಹೇಳಿದ್ದರು.
ಮೂಲತಃ ದಕ್ಷಿಣ ಆಫ್ರಿಕಾ (South Africa)ದವರಾದ ಮಸ್ಕ್ ಪೆನ್ಸಿಲ್ವೇನಿಯಾ ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಪಡೆದಿದ್ದರು. ಕಂಪ್ಯೂಟರ್ ವಿಜ್ಞಾನ ಕ್ಷೇತ್ರದಲ್ಲಿ ಯಾವುದೇ ಪದವಿ ಅಥವಾ ಅನುಭವದ ಕೊರತೆಯೇ ಅವರನ್ನು ನೇಮಿಸಿಕೊಳ್ಳಲು ಯಾರೂ ಆಸಕ್ತಿ ಹೊಂದಿಲ್ಲದ ಕಾರಣ ಎಂದು ಅವರು ತಿಳಿಸಿದ್ದರು.
ಆ ಸಂದರ್ಭದಲ್ಲಿ ಮುಜುಗರಕ್ಕೊಳಗಾದ ಮಸ್ಕ್ ನೆಟ್ಸ್ಕೇಪ್ ಲಾಬಿಯಿಂದ ಹೊಸ ಹಾದಿಯನ್ನು ಹಿಡಿದರು. ಅವರು 1996 ರಲ್ಲಿ ಜಿಪ್ 2 (Zip2) ಅನ್ನು ಪ್ರಾರಂಭಿಸಿದರು ಮತ್ತು ಅವರು ಹೇಳುವಂತೆ ಆನಂತರ ಆಗಿದ್ದೆಲ್ಲವೂ ಇತಿಹಾಸ. ಪ್ರಸ್ತುತ ಮಸ್ಕ್ ಅವರು, ಟ್ರಂಪ್ ಆಡಳಿತದಲ್ಲಿ ಸರ್ಕಾರಿ ದಕ್ಷತೆಯ ಇಲಾಖೆ (Department of Government Efficiency)ಯ ಮುಖ್ಯಸ್ಥರಾಗಿದ್ದಾರೆ.
ವಿಶ್ವದ ಟಾಪ್ 10 ಶ್ರೀಮಂತ ವ್ಯಕ್ತಿಗಳಲ್ಲಿ 53 ನೇ ವಯಸ್ಸಿನ ಎಲೋನ್ ಮಸ್ಕ್ ಐದು ವರ್ಷಗಳಲ್ಲಿ ನಾಲ್ಕನೇ ಬಾರಿಗೆ ವಿಶ್ವದ ಅತ್ಯಂತ ಶ್ರೀಮಂತ ವ್ಯಕ್ತಿಯಾಗಿ ತಮ್ಮ ಸ್ಥಾನವನ್ನು ಉಳಿಸಿಕೊಂಡಿದ್ದಾರೆ!. ಮಾ.30ರ ಹೊತ್ತಿಗೆ ಎಲಾನ್ ಮಸ್ಕ್ ಅವರ ಆಸ್ತಿಯ ನಿವ್ವಳ ಮೌಲ್ಯವು $420 ಬಿಲಿಯನ್ ಅಥವಾ ಸರಿ ಸುಮಾರು ₹35.59 ಲಕ್ಷ ಕೋಟಿ ಸಂಪತ್ತಿನ ಒಡೆಯರಾಗಿದ್ದಾರೆ.
Join our WhatsApp Channel
