ಹೆಸರಾಂತ ಸ್ಪೀಡ್ ಪೇಂಟರ್ ರಾಬಿನ್ ಬಾರ್ (Speed Painter Rabin Bar) ಅವರು ತಮ್ಮ ಇನ್‌ಸ್ಟಾಗ್ರಾಮ್ ನಲ್ಲಿನ ಅವರ ಸ್ವವಿವರದ ಪ್ರಕಾರ ಈ ಕ್ಷೇತ್ರದಲ್ಲಿ ಸಾಕಷ್ಟು ದಾಖಲೆ ಮಾಡಿರುವುದಾಗಿ ಹೇಳಿಕೊಳ್ಳುತ್ತಾರೆ. ಇತ್ತೀಚೆಗೆ ಇಂಡಿಗೋ ವಿಮಾನದಲ್ಲಿ ಅವರು ಪ್ರಯಾಣಿಸುವಾಗ ನಡೆದ ಘಟನೆಯ ವಿಡಿಯೋ ಸಾಕಷ್ಟು ವೀಕ್ಷಕರನ್ನು ಬೆರಗುಗೊಳಿಸಿಸಿದೆ.
ಇಂಡಿಗೋ ವಿಮಾನದ ಪರಿಚಾರಕಿ (Flight Attendent)ಯೊಬ್ಬರು ಬಿಳಿ ಖಾಲಿ ಹಾಳೆಯಲ್ಲಿ ಮಾಡಿದ ಸಹಿಯನ್ನು ರಾಬಿನ್ ಬಾರ್ ಅವರು, ಅದ್ಭುತ ಕಲಾಕೃತಿಯನ್ನಾಗಿ ಪರಿವರ್ತಿಸುವ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಾಕಷ್ಟು ವೈರಲ್ ಆಗಿದೆ. “ಸಿಗ್ನೇಚರ್ ಆರ್ಟ್” (Signature Art) ಎಂಬ ಶೀರ್ಷಿಕೆಯ ವಿಡಿಯೋದಲ್ಲಿ ಫ್ಲೈಟ್ ಅಟೆಂಡೆಂಟ್ ತನ್ನ ಹೆಸರನ್ನು ಬಿಳಿ ಕಾಗದದ ಮೇಲೆ ಸಹಿ ಮಾಡುತ್ತಾರೆ. ನಂತರ ರಾಬಿನ್ ಬಾರ್ ಅದನ್ನು ತಮ್ಮ ಕೌಶಲ್ಯದಿಂದ ಪ್ರೇಮಿಗಳಿಬ್ಬರು ಪರಸ್ಪರ ಆಲಂಗಿಸಿಗೊಂಡಂತಿರುವ ಕಲಾಕೃತಿಯನ್ನಾಗಿ ಸಂಯೋಜಿಸುತ್ತಾರೆ. ಬಾರ್ ತಮ್ಮ ಮ್ಯಾಜಿಕ್ ಆರ್ಟ್ ಮಾಡುತ್ತಿರುವುದನ್ನು ಅಟೆಂಡೆಂಟ್ ಆಶ್ಚರ್ಯದಿಂದ ನೋಡುತ್ತಾರೆ. ಈ ಕಲಾಕೃತಿ ಪೂರ್ಣಗೊಂಡ ನಂತರ, ರಾಬಿನ್ ಬಾರ್ ಅವರು ಸ್ಕೆಚ್‌ನ ಕೆಳಭಾಗದಲ್ಲಿ ತಮ್ಮ ಹೆಸರನ್ನು ಸಹಿ ಮಾಡುತ್ತಾರೆ. ಮತ್ತು ಅದನ್ನು ಫ್ಲೈಟ್ ಅಟೆಂಡೆಂಟ್‌ಗೆ ನೀಡುತ್ತಾರೆ.
ಈ ಕಲಾಕೃತಿಯನ್ನು ಕಂಡ ಇಂಡಿಗೋ ವಿಮಾನದ ಪರಿಚಾರಕಿ ಅವರು “ಓಹ್ ವಾವ್. ವೆರಿ ನೈಸ್” ಎಂದು ಹೃತ್ಪೂರ್ವಕವಾಗಿ ಪ್ರತಿಕ್ರಿಯಿಸುತ್ತಾರೆ. ಕೆಲವು ದಿನಗಳ ಹಿಂದೆ ಹಂಚಿಕೊಳ್ಳಲಾದ ಈ ವೀಡಿಯೊ ವೈರಲ್ ಆಗಿದ್ದು, ಹಲವು ಮಿಲಿಯನ್ ವೀಕ್ಷಣೆಗಳನ್ನು ಗಳಿಸಿದೆ. ದಿಗ್ಭ್ರಮೆಗೊಳಿಸುವ ವೀಕ್ಷಣೆ ಎಣಿಕೆಯ ಜೊತೆಗೆ, ಈ ಪೋಸ್ಟ್ ಗೆ ವಿಶ್ವಾದ್ಯಂತ ವೀಕ್ಷಕರು ಮೆಚ್ಚುಗೆಯ ಕಾಮೆಂಟ್‌ಗಳನ್ನು ಹೇರಳವಾಗಿ ಮಾಡಿದ್ದಾರೆ.
