ಹೆಲ್ಮೆಟ್ ಇಲ್ಲದೆ ದ್ವಿಚಕ್ರ ವಾಹನ ಸವಾರಿ ಮಾಡುವುದು ಯಾವತ್ತಿಗೂ ಅಪಾಯಕಾರಿ. ಅಪಘಾತದ ಸಂದರ್ಭದಲ್ಲಿ ವಾಹನ ಸವಾರರು ತಲೆಗೆ ಗಂಭೀರ ಗಾಯಗಳಾಗಿ ಮೃತಪಡುವ ಪ್ರಕರಣಗಳನ್ನು ನಾವು ಮಾಧ್ಯಮದಲ್ಲೇ, ನೇರವಾಗಿಯೋ ಕಂಡಿರುತ್ತೇವೆ. ಸಂಚಾರಿ ನಿಯಮಗಳಿದ್ದರೂ, ಕಟ್ಟುನಿಟ್ಟಾದ ನಿಯಮಗಳು ಮತ್ತು ದಂಡಗಳ ಹೊರತಾಗಿಯೂ, ಅನೇಕರು ತಮ್ಮ ಸುರಕ್ಷತೆಗಾಗಿ ಅಕ್ಷರಶಃ ಇರುವ ಸೂಚನೆಗಳನ್ನು ಪಾಲಿಸದೆ ಅಜ್ಞಾನ ಪ್ರದರ್ಶಿಸುತ್ತಾರೆ. ಆದರೆ ಇಲ್ಲೊಂದು ಪ್ರಕರಣದಲ್ಲಿ ವಾಹನ ಮಾಲೀಕನೊಬ್ಬ ತನ್ನ ಅಚ್ಚುಮೆಚ್ಚಿನ ಲಾಬ್ರಡಾರ್ ನಾಯಿಗೆ ಹೆಲ್ಮೆಟ್ ಹಾಕಿ ತನ್ನೊಂದಿಗೆ ಹಿಂಬದಿ ಕೂರಿಸಿಕೊಂಡು ಕರೆದೊಯ್ಯುತ್ತಿದ್ದಾನೆ.
ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಈ ವೀಡಿಯೋದಲ್ಲಿ ಬೈಕ್ ಸವಾರ ಹಾಗೂ ಪಿಲಿಯನ್ ಪ್ರಯಾಣಿಕನಾಗಿ ಶ್ವಾನವು ಹೆಲ್ಮೆಟ್ ಧರಿಸಿರುವುದು ಕಂಡುಬಂದಿದೆ. ಹೆಲ್ಮೆಟ್‌ಗಳನ್ನು ಧರಿಸಿರುವ ಯಾರೊಬ್ಬರ ಬಗ್ಗೆ ಸಾಮಾನ್ಯವಾಗಿ ಆಶ್ಚರ್ಯಪಡುವ ಅಗತ್ಯವಿಲ್ಲ. ಆದರೆ ಹಿಂಬದಿ ಸವಾರ ನಾಯಿಯಾಗಿದ್ದರೆ ಅದು ಖಂಡಿತವಾಗಿಯೂ ಹೆಲ್ಮೆಟ್ ಧರಿಸದೆ ಪ್ರಯಾಣಿಸುವವರಿಗೆ ನೈತಿಕತೆಯ ಪಾಠದಂತಿದೆ. ಈ ವಿಡಿಯೋ ಅಪಲೋಡ್ ಮಾಡಿದ ನಂತರ ಈತನಕ 96.4 ಸಾವಿರ ಜನರು ಇದನ್ನು ವೀಕ್ಷಿಸಿದ್ದಾರೆ.
ಈ ವಿಡಿಯೋದಲ್ಲಿ ಕಪ್ಪು ಲ್ಯಾಬ್ರಡಾರ್, ಮಾನವನಂತೆ ಹೆಲ್ಮೆಟ್ ಧರಿಸಿ ಕುಳಿತಿದ್ದು, ತನ್ನ ಎರಡು ಮುಂಗಾಲುಗಳನ್ನು ಮಾಲೀಕನ ಹೆಗಲ ಮೇಲೆ ಕಾಲಿಟ್ಟುಕೊಂಡು ನೇರವಾಗಿ ಕೂತಿದೆ. ದೂರದಿಂದ ನೋಡಿದವರಿಗೆ ಉದ್ದನೆಯ ಕೂದಲಿನ ಹೆಂಗಸು ಹೆಲ್ಮೆಟ್ ಧರಿಸಿ ಬೈಕ್ ನಲ್ಲಿ ಪ್ರಯಾಣಿಸಿದಂತೆ ತೋರುತ್ತಿದೆ ಎಂದು ನೆಟ್ಟಿಗರು ಆಶ್ಚರ್ಯ ಮತ್ತು ಸಂತೋಷ ವ್ಯಕ್ತಪಡಿಸಿದ್ದಾರೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Here“ಬೆಂಗಳೂರು ವೈರ್” ಡಿಜಿಟಲ್ ವೆಬ್ ನ್ಯೂಸ್ ಪೋರ್ಟೆಲ್ಲಿನ ಸೋಶಿಯಲ್ ಮೀಡಿಯಾ ಪೇಜ್ ಹಾಗೂ Google News ಗಳಿಗೆ ಉಚಿತವಾಗಿ Subscribe ಆಗಲು Facebook, Telegram, Twitter, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
Exclusive Offer for Bengaluru Wire Readers- Visit Amazon Website Click Here
