ಸಾಲಿಗ್ರಾಮ, ಮಾ.11 www.bengaluruwire.com : ದೇವಸ್ಥಾನ ಹಾಗೂ ಬೀಚ್ ಪ್ರವಾಸಕ್ಕೆ ಪ್ರಸಿದ್ಧವಾಗಿರುವ ಉಡುಪಿ ಜಿಲ್ಲೆಯಲ್ಲಿ ಈಗ ಹೊಸ ಟ್ರೆಂಡ್ ಆಗಿ ಉಪ್ಪು ನೀರಿನ ಹಿನ್ನೀರಿನಲ್ಲಿ ಮ್ಯಾಂಗ್ರೋವ್ ಕಾಡಿನ ಮಧ್ಯೆ ದೋಣಿ ವಿಹಾರ ಮಾಡುವುದು ಹಲವು ಜನಕ್ಕೆ ಈಗ ಕ್ರೇಜ್‌ ಆಗಿದೆ.
ಕರಾವಳಿಯ ಮ್ಯಾಂಗ್ರೋವ್ ಕಾಡುಗಳನ್ನು ಹತ್ತಿರದಿಂದ ನೋಡಲು ಮತ್ತು ಹಿನ್ನೀರಿನ ಸೌಂದರ್ಯವನ್ನು ನಿಧಾನವಾಗಿ ಆನಂದಿಸಲು ಬಯಸುವಿರಾ? ಉಡುಪಿ ಜಿಲ್ಲೆಯ ಸಾಲಿಗ್ರಾಮಕ್ಕೆ ಹೋಗಿ ಅಲ್ಲಿ ದಿನವನ್ನು ಆನಂದಿಸಬಹುದು. ಸೀತಾ ನದಿಯ ಹಿನ್ನೀರಿನಲ್ಲಿ ದಟ್ಟವಾದ ಮ್ಯಾಂಗ್ರೋವ್‌ಗಳ ನಡುವೆ ಕಯಾಕಿಂಗ್, ಕರಾವಳಿಯ ಮಟ್ಟಿಗೆ ಹಾಗೂ ಹೊರ ಜಿಲ್ಲೆಯವರಿಗೆ ಇದೊಂದು ಹೊಸ ಅನುಭವ.
ಸಾಲಿಗ್ರಾಮ ಸಮೀಪದ ಪಾರಂಪಳ್ಳಿ ಸುತ್ತಮುತ್ತಲಿನ ಕೋಡಿಯ ಇಬ್ಬರು ಯುವಕರು ದಟ್ಟವಾದ ಮ್ಯಾಂಗ್ರೋವ್‌ಗಳ ನಡುವೆ ಪ್ರವಾಸಿಗರನ್ನು ಕರೆದೊಯ್ಯಲು ಸುಮಾರು 14.5 ಲಕ್ಷ ರೂ. ವರ್ಷದ ವೆಚ್ಚದಲ್ಲಿ ಎಂಟು ಕಯಾಕ್‌ಗಳನ್ನು ಸ್ವಂತವಾಗಿ ಹೂಡಿಕೆ ಮಾಡಿ ಈ ಉದ್ಯಮವನ್ನು ಪ್ರಾರಂಸೀತಾ ನದಿ ನಿರ್ಮಿಸಿದ ಹಿನ್ನೀರು ಪ್ರದೇಶ ಸುಮಾರು 5 ಕಿ.ಮೀ ಉದ್ದವಿದೆ, ಉದ್ಯಮಿಗಳಾದ ಲೋಕೇಶ್ ಮತ್ತು ಮಿಥುನ್ ಪ್ರವಾಸಿಗರನ್ನು ಸುಮಾರು ಕನಿಷ್ಠ ಒಂದು ಗಂಟೆಗಳಲ್ಲಿ 5 ಕಿ.ಮೀ ಸವಾರಿ ಮಾಡಿಸುತ್ತಾರೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Here
“ಉಡುಪಿ ಜಿಲ್ಲೆಯು ಹೇರಳವಾದ ಹಿನ್ನೀರಿನಿಂದ ಕೂಡಿದ್ದರೂ, ಪಾರಂಪಳ್ಳಿ ವಿಸ್ತಾರವು ಆಳವಿಲ್ಲದ ಅತ್ಯುತ್ತಮ ಮ್ಯಾಂಗ್ರೋವ್‌ಗಳಲ್ಲಿ ಒಂದಾಗಿದೆ. ಇದರಿಂದಾಗಿ ಪ್ರವಾಸಿಗರಿಗೆ ಕನಿಷ್ಠ ಅಪಾಯವಿದೆ. ಇದರಲ್ಲಿ ಪಕ್ಷಿ ವೀಕ್ಷಣೆ, ಸೂರ್ಯ ಉದಯ ಹಾಗೂ ಸೂರ್ಯಾಸ್ತಮ ಪಾಯಿಂಟ್ ಆಯಾ ಸಂದರ್ಭಕ್ಕೆ ಪ್ರವಾಸಿಗರನ್ನು ಆ ಸ್ಥಳಕ್ಕೆ ಕರೆದೊಯ್ಯಲಾಗುತ್ತದೆ” ಎಂದು ಲೋಕೇಶ್ ಹೇಳಿದ್ದಾರೆ.
Exclusive Offer for Bengaluru Wire Readers- Visit Amazon Website Click Hereಇಲ್ಲಿನ ಹಿನ್ನೀರಿನ ಆಳವು ಕೇವಲ ನಾಲ್ಕೈದು ಅಡಿಗಳಷ್ಟು ವಿಸ್ತಾರವಾಗಿದೆ ಮತ್ತು ಯಾವುದೇ ತರಬೇತಿಯಿಲ್ಲದವರೂ ಸಹ ಸುಲಭವಾಗಿ ಕಯಾಕ್ ಅನ್ನು ಪೆಡಲ್ ಮಾಡಬಹುದು ಎಂದು ಅವರು ಬೆಂಗಳೂರು ವೈರ್ ಗೆ ತಿಳಿಸಿದ್ದಾರೆ.
ಲೋಕೇಶ್ ಮತ್ತು ಮಿಥುನ್ ಮಾರ್ಗದರ್ಶನಕ್ಕಾಗಿ ಮತ್ತು ದಟ್ಟವಾದ ಕಾಂಡ್ಲವನ ತೋಪುಗಳಲ್ಲಿ ಸಾಗುವಾಗ ಸವಾರಿಯ ಸಮಯದಲ್ಲಿ ಪ್ರವಾಸಿಗರೊಂದಿಗೆ ಹೋಗುತ್ತಾರೆ. “ಸವಾರಿಗಳನ್ನು ಹೆಚ್ಚಿಸುವಲ್ಲಿ ಉಬ್ಬರ ವಿಳಿತಗಳು ನಿರ್ಣಾಯಕ ಪಾತ್ರವಹಿಸುತ್ತವೆ. ಎತ್ತರದ ಉಬ್ಬರ ವಿಳಿತಗಳು ಪ್ರವಾಸಿಗರಿಗೆ ಮ್ಯಾಂಗ್ರೋವ್‌ಗಳಿಗೆ ಹೋಗಲು ಅನುವು ಮಾಡಿಕೊಡುತ್ತದೆ, ಕಡಿಮೆ ಉಬ್ಬರವಿಳಿತದ ಸಮಯದಲ್ಲಿ ಇದು ಕಷ್ಟಕರವಾಗುತ್ತದೆ. ಅದಕ್ಕಾಗಿಯೇ ಪ್ರವಾಸಿಗರು ಬರುವ ಮೊದಲು ನಮಗೆ ಕರೆ ಮಾಡಿ ಬರುವಂತೆ ಕೇಳುತ್ತೇವೆ” ಎಂದು ಅವರು ಹೇಳಿದರು.
ಸಣ್ಣವರಿಂದ ವೃದ್ಧರವೆರಗೂ ಕಯಾಕಿಂಗ್ ಗೆ ಬರುವವರಿದ್ದಾರೆ :
ಕಡಿಮೆ ಜನಪ್ರಿಯ ಪ್ರದೇಶದಲ್ಲಿ ಕಯಾಕಿಂಗ್ ಅನ್ನು ಪರಿಚಯಿಸಲು ಸ್ಫೂರ್ತಿ ಏನು ಎಂದು ಲೋಕೇಶ್, ಮಿಥುನ್ ಅವರನ್ನು ಕೇಳಿದಾಗ ಮೊದಲು ಕಯಾಕಿಂಗ್ ಕೇರಳ ಹಾಗೂ ಗೋವದಲ್ಲಿತ್ತು. ಅಲ್ಲಿಗಿಂತ ಹೆಚ್ಚಿನ ಕಾಂಡ್ಲಾ ತೋಪು ನಮ್ಮಲ್ಲಿರುವಾಗ ನಾವ್ಯಾಕೆ ಶುರು ಮಾಡಬಾರದು ಅಂತ ತಲೆಗೆ ಬಂತು. ಕರೋನಾ ಸೋಂಕು ಕಡಿಮೆಯಾಗುತ್ತಿದ್ದಂತೆ ಈ ದೋಣಿ ವಿಹಾರ ಶುರು ಮಾಡಿದೆವು. ಸಣ್ಣವರಿಂದ ವಯಸ್ಸಾದವರು ಇಲ್ಲಿಗೆ ದೋಣಿ ವಿಹಾರಕ್ಕೆ ಬರುತ್ತಾರೆ ಎನ್ನುತ್ತಾರೆ ಅವರು.
“ಈ ಪ್ರದೇಶವು ಅತ್ಯುತ್ತಮ ಮ್ಯಾಂಗ್ರೋವ್‌ಗಳಲ್ಲಿ ಒಂದಾಗಿದೆ ಮತ್ತು ಆದ್ದರಿಂದ, ನಾವು ಕಯಾಕಿಂಗ್ ಅನ್ನು ಪರಿಚಯಿಸಲು ನಿರ್ಧರಿಸಿ ಈ ಸಾಹಸಕ್ಕೆ ಕೈಹಾಕಿದೆವು. ಆದರೆ ಇಂದು ಈ ಭಾಗದಲ್ಲಿ ನಾವು ಈ ಸಾಹಸ ಕ್ರೀಡೆಯನ್ನು ಪ್ರಾರಂಭಿಸಿದ ಮೇಲೆ ಇತರರು ಇದೇ ಕಾಯಕ ಮಾಡುತ್ತಿದ್ದಾರೆ” ಎಂದು ಅವರು ತಿಳಿಸಿದರು.
ಸರ್ಕಾರದಿಂದ ಕಯಾಕಿಂಗ್ ಪರಿಸರ ಪ್ರವಾಸಕ್ಕೆ ಆರ್ಥಿಕ ಬೆಂಬಲ ಅವಶ್ಯಕತೆ :
“ಈ ಉಪಕ್ರಮಕ್ಕೆ ಸರ್ಕಾರದಿಂದ ತಮಗೆ ಯಾವುದೇ ಬೆಂಬಲವಿಲ್ಲ. ರಾಜ್ಯದಲ್ಲಿ ನವೋದ್ಯಮ ಹಾಗೂ ಪ್ರವಾಸೋದ್ಯಮಕ್ಕೆ ಒತ್ತು ನೀಡುವ ಸರ್ಕಾರ, ರಾಜ್ಯದ ಕರಾವಳಿಯಲ್ಲಿ ಪರಿಸರ ಪ್ರವಾಸೋದ್ಯಮ (Eco Tourism) ಉತ್ತೇಜನ ದೃಷ್ಟಿಯಿಂದ ದೋಣಿ ಮಾದರಿಯ ಈ ಕ್ರೀಡೆಯಲ್ಲಿ ಪ್ರವಾಸಿಗರು ಪಾಲ್ಗೊಳ್ಳಲು ನಮ್ಮಂತಹವರಿಗೆ ಅಗತ್ಯ ಆರ್ಥಿಕ ಪ್ರೋತ್ಸಾಹ ನೀಡಬೇಕಿದೆ” ಎಂದು ಮಿಥುನ್ ಕುಮಾರ ಮೆಂಡನ್.
ಕಯಾಕಿಂಗ್ ದೋಣಿ ವಿಹಾರ ಬೆಳಿಗ್ಗೆ 6ರಿಂದ ಸಂಜೆ 6 ರವರೆಗೆ ಲಭ್ಯವಿರುತ್ತದೆ. ಕಯಾಕಿಂಗ್ ಸವಾರಿಯ ಸಮಯದಲ್ಲಿ ಪಕ್ಷಿಗಳು ಮತ್ತು ಇತರ ಕಾಡು ಮತ್ತು ಸಮುದ್ರ ಜೀವನವನ್ನು ಸಹ ವೀಕ್ಷಿಸಬಹುದಾಗಿದೆ. ಪ್ರವಾಸಿಗರಿಗೆ ಸುರಕ್ಷಿತ ಸವಾರಿಯ ಬಗ್ಗೆ ಸಲಹೆಗಳನ್ನು ನೀಡುವುದರ ಜೊತೆಗೆ ಸುರಕ್ಷತೆಗಾಗಿ ಲೈಫ್ ಜಾಕೆಟ್‌ಗಳನ್ನು ಸಹ ನೀಡಲಾಗುತ್ತದೆ. ಒಂದರಿಂದ ಒಂದೂ ಕಾಲು ಗಂಟೆಗಳ ಸವಾರಿಗಾಗಿ, ಸಂಘಟಕರು ಪ್ರತಿ ತಲೆಗೆ 300 ರೂ. ಶುಲ್ಕ ವಿಧಿಸುತ್ತಾರೆ, ಆದರೆ ಪ್ರತಿ ಕಯಾಕ್‌ನಲ್ಲಿ ಇಬ್ಬರು ಜನರಿಗೆ ಆತಿಥ್ಯ ನೀಡಬಹುದಾಗಿದೆ.
ರಾಜ್ಯದ ಕರಾವಳಿಯಲ್ಲಿ ಅತಿದೊಡ್ಡ ಮ್ಯಾಂಗ್ರೋವ್ ಕಾಡು :
“ರಾಜ್ಯದ ಕರಾವಳಿಯಲ್ಲೇ ಉಡುಪಿಯಲ್ಲಿ ಇಷ್ಟು ದೊಡ್ಡ ಮ್ಯಾಂಗ್ರೋವ್ ಕಾಡುಗಳು ಸಾಲಿಗ್ರಾಮ ಪಾರಂಪಳ್ಳಿ ಜಾಗದ ಹಿನ್ನೀರಿನಲ್ಲಿ ಕಂಡು ಬರುತ್ತೆ. ಇಲ್ಲಿ 3-4 ಅಡಿಯಷ್ಟೆ ಕಾಲು ಮಟ್ಟದಲ್ಲಿ ನೀರು ಬರುತ್ತೆ. ಮಕ್ಕಳನ್ನೂ ಕಯಾಕಿಂಗ್ ಪ್ರವಾಸಕ್ಕೆ ಕರೆದುಕೊಂಡು ಬರಬಹುದು. ಪ್ರತಿಯೊಬ್ಬರಿಗೂ ಖಡ್ಡಾಯವಾಗಿ ಸುರಕ್ಷಿತ ಜಾಕೀಟ್ ಹಾಕಿಯೇ ನೀರುಗಿಳಿಸುತ್ತೇವೆ. ಡಿಸೆಂಬರ್ ನಿಂದ ಮೇ ತಿಂಗಳವರೆಗೆ ಜಾಸ್ತಿ ಪ್ರವಾಸಿಗರು ಈ ಕಯಾಕಿಂಗ್ ಬರುತ್ತಾರೆ. ಕಯಾಕಿಂಗ್ ಗೆ ಬರಯವವರು ಆದಷ್ಟು ಮುಂಚೆ ಮೊಬೈಲ್ ಗೆ ಜರೆ ಮಾಡಿ ಬಂದರೆ ಉತ್ತಮ. ನೀರಿನ ಉಬ್ಬರ- ಇಳಿತ ಕಯಾಕಿಂಗ್ ಗೆ ಮುಖ್ಯವಾಗಿರುತ್ತೆ” ಎನ್ನುತ್ತಾರೆ ಮಿಥುನ್ ಕುಮಾರ ಮೆಂಡನ್.
ಹೆಚ್ಚಿನ ವಿವರಗಳಿಗಾಗಿ ಲೋಕೇಶ್ 98459 43030 ಅಥವಾ ಮಿಥುನ್ 72592 77799 ಗೆ ಕರೆ ಮಾಡಬಹುದು. ಸಾಲಿಗ್ರಾಮ ಪೇಟೆಯ ಮಂಟಪ ಐಸ್ ಕ್ರೀಮ್ ಪಕ್ಕದ ರಸ್ತೆಯು ಪಾರಂಪಳ್ಳಿ ಸೇತುವೆಗೆ ಹೋಗುತ್ತದೆ. ಇದೇ ಸ್ಥಳದಲ್ಲಿ ಕಯಾಕಿಂಗ್ ಪಾಯಿಂಟ್ ಸಂಸ್ಥೆಯು ಆಯೋಜಿಸುವ ಸೀತಾನದಿ ಉಪ್ಪು ನೀರಿನ ಹಿನ್ನೀರಿನಲ್ಲಿ ಮುದನೀಡುವ ಕಯಾಕಿಂಗ್ ಪ್ರವಾಸ ಕೈಗೊಳ್ಳಬಹುದು.
“ಬೆಂಗಳೂರು ವೈರ್” ಡಿಜಿಟಲ್ ವೆಬ್ ನ್ಯೂಸ್ ಪೋರ್ಟೆಲ್ಲಿನ ಸೋಶಿಯಲ್ ಮೀಡಿಯಾ ಪೇಜ್ ಹಾಗೂ Google News ಗಳಿಗೆ ಉಚಿತವಾಗಿ Subscribe ಆಗಲು Facebook, Telegram, Twitter, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
