ಬೆಂಗಳೂರು : ಐಕೊಬೂ ನಗರ ನಾಗರೀಕ ಹಿತರಕ್ಷಣಾ ಸಂಘದಿಂದ ವಾರ್ಷಿಕೋತ್ಸವ ಮತ್ತು ಗಣರಾಜ್ಯೋತ್ಸವ ಆಚರಣೆ

ಬೆಂಗಳೂರು, ಜ.28 www.bengaluruwire.com : ಬಿಟಿಎಂ ಬಡಾವಣೆಯ ಐಕೊಬೂ(AICOBOO)ನಗರ ನಾಗರಿಕರ ಹಿತರಕ್ಷಣಾ ಸಂಘವು 74ನೆಯ ಗಣರಾಜ್ಯೋತ್ಸವ ಹಾಗೂ ತನ್ನ ಸಂಘದ ವಾರ್ಷಿಕೋತ್ಸವಗಳನ್ನು ಇತ್ತೀಚೆಗೆ ಜಂಟಿಯಾಗಿ ವಿಜೃಂಭಣೆಯಿಂದ ಆಚರಿಸಿತು.

ಐಕೊಬೂ(AICOBOO) ನಗರ ಮಹಿಳಾ ಮಂಡಳಿಯ ಅಧ್ಯಕ್ಷೆ ಜಯಶೀಲಾ ಗೋಪಾಲಕೃಷ್ಣ ಅವರು ಧ್ವಜಾರೋಹಣ ವನ್ನು ನೆರವೇರಿಸಿದರು. ಸ್ಥಳೀಯ ಶಾಸಕರಾದ ರಾಮಲಿಂಗಾರೆಡ್ಡಿ ಅವರು ಕಾರ್ಯಕ್ರಮಗಳಿಗೆ ಚಾಲನೆ ನೀಡಿ ಸಭಿಕರನ್ನು ಉದ್ದೇಶಿಸಿ ಮಾತನಾಡಿದರು.

ಸಂಘದ ಅಧ್ಯಕ್ಷ ರಾದ ಜಿ.ಡಿ ನದಾಫ್ ಅವರು ಗಣರಾಜ್ಯೋತ್ಸವದ ಮಹತ್ವ , ಸಂವಿಧಾನದತ್ತವಾದ ಹಕ್ಕುಗಳು ಹಾಗೂ ಅದರ ವಿಶೇಷತೆಯ ಕುರಿತು ವಿಶದವಾಗಿ ಮಾಹಿತಿಗಳನ್ನು ಸಭಿಕರಿಗೆ ನೀಡಿದರು.

ತಿಂಗಳು ಪೂರ್ತಿನಡೆದ ಹಲವಾರು ಕ್ರೀಡೆ, ಸಾಹಿತ್ಯ ಹಾಗೂ ಸಾಂಸ್ಕೃತಿಕ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹುಮಾನ ವಿತರಣೆ ಮಾಡಲಾಯಿತು. ಕಾರ್ಯಕ್ರಮದಲ್ಲಿ ಸಂಘದ ನಿವಾಸಿಗಳು ಹಾಗೂ ಮಕ್ಕಳು ಸಾಯಂಕಾಲ ಪ್ರಸ್ತುತ ಪಡಿಸಿದ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ಸುತ್ತಲಿನ ನಾಗರಿಕರು ಸಂತೋಷಪಟ್ಟರು. ಒಟ್ಟಿನಲ್ಲಿ ಏಕತೆ ಹಾಗೂ ಭ್ರಾತ್ವತದ ವಾತಾವರಣ ನಿರ್ಮಾಣವಾಗಿದ್ದು ಒಂದು ಸಂತಸದ ಬೆಳವಣಿಗೆ.