ಬೆಂಗಳೂರು, ನ.26 www.bengaluruwire.com : ಮೆಟ್ರೊಪಾಲಿಟನ್ ಸಿಟಿಗಳಲ್ಲಿ, ಬ್ಯುಸಿ ಏರಿಯಾಗಳಲ್ಲಿ ಮನೆಯವರೊಟ್ಟಿಗೆ ಶಾಪಿಂಗ್ ಅಂತ ಹೋದಾಗ ಪಾರ್ಕಿಂಗ್ ನಲ್ಲಿ ಕಾರು ನಿಲ್ಲಿಸಲು ಎಷ್ಟು ಪರದಾಡುತ್ತೇವೆ ಅಂತ ನಿಮಗೆಲ್ಲಾ ತಿಳಿದೇ ಇದೆ. ಇಲ್ಲೊಬ್ಬ ವ್ಯಕ್ತಿಯೊಬ್ಬ 18 ಚಕ್ರದ ಟ್ರಕ್ಕನ್ನು ಆ ಬೃಹತ್ ವಾಹನದ ಒಳಗೆ ಕೂರದೆ ಅದನ್ನು ಬಹಳ ನಾಜೂಕಾಗಿ ವಾಹನ ನಿಲ್ದಾಣದ ತಾಣದಲ್ಲಿ ನಿಲ್ಲಿಸೋ ವಿಡಿಯೋ ಸಖತ್ ವೈರಲ್ ಆಗಿದೆ.
ಸಾಮಾನ್ಯವಾಗಿ ಲಗೇಜುಗಳನ್ನು ಹೊತ್ತ ದೊಡ್ಡ ವಾಹನ, ಟ್ರಕ್ ಗಳನ್ನು ಚಾಲನೆ ಮಾಡುವ ಡ್ರೈವರ್ ಬಹಳ ಹುಷಾರಾಗಿ ಅವುಗಳನ್ನು ಚಾಲನೆ ಮಾಡಿದರೂ ಹಲವು ವೇಳೆ ರಾಷ್ಟ್ರೀಯ ಹೆದ್ದಾರಿ ಮತ್ತಿತರ ಕಡೆ ಮೊಗಚಿ ಬಿದ್ದಿರುವುದನ್ನು ಕಂಡಿರುತ್ತೇವೆ. ಇಲ್ಲವೇ ರಸ್ತೆಯ ಅಂಚು ಕಾಣದೆ ವಾಲಿ ಹಳ್ಳಕ್ಕೆ ಬೀಳುವುದನ್ನು ಆಗಾಗೆ ನೋಡಿಯೇ ಇರುತ್ತೇವೆ.
ಈ ವಿಡಿಯೋದಲ್ಲಿ ವ್ಯಕ್ತಿಯು ಟ್ರಕ್ ಹೊರಗೆ ನಿಂತು ಬಹಳ ನಾಜೂಕಾಗಿ ಟ್ರಕ್ ನ ಸ್ಟೀರಿಂಗ್ ಅನ್ನು ಹೊರಗಿನಿಂದಲೇ ಕೈಯಲ್ಲಿ ನಿಯಂತ್ರಿಸಿ ರಿವರ್ಸ್ ಗೇರ್ ನಲ್ಲಿ 18 ಚಕ್ರದ ಬೃಹತ್ ಟ್ರಕ್ ಅನ್ನು ಲೀಲಾಜಾಲವಾಗಿ ಪಾರ್ಕಿಂಗ್ ತಾಣದಲ್ಲಿ ನಿಲ್ಲಿಸಿರೋ ವಿಡಿಯೋ ಟ್ವಿಟರ್ ನಲ್ಲಿ ಸಾಕಷ್ಟು ವೈರಲ್ ಆಗಿದೆ. ಒಟ್ಟಾರೆ ನವೆಂಬರ್ 23ರಂದು ಅಪಲೋಡ್ ಮಾಡಲಾದ ಈ ವಿಡಿಯೋ ಇಲ್ಲಿಯ ತನಕ 47 ಲಕ್ಷ ಜನರು ವೀಕ್ಷಿಸಿದ್ದಾರೆ. 1.76 ಲಕ್ಷ ಜನರು ಈ ವಿಡಿಯೋವನ್ನು ಲೈಕ್ ಮಾಡಿದ್ದಾರೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Here
