ಆನೆಯೊಂದು ತಾನಿದ್ದ ಮೃಗಾಲಯದ ಆವರಣದಲ್ಲಿ ಆಕಸ್ಮಾತ್ ಆಗಿ ಬಿದ್ದಿದ್ದ ಮಗವಿನ ಶೂವನ್ನು ತನ್ನ ಸೋಂಡಲಿನ ಮೂಲಕ ವಾಪಸ್ ಆ ಬಾಲಕಿಗೆ ನೀಡುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸಖತ್ತಾಗಿ ವೈರಲ್ ಆಗಿದೆ. ಇನ್ಸ್ ಟಾಗ್ರಾಮ್ ನಲ್ಲಿ ನೌ ದಿಸ್ ನ್ಯೂಸ್ ಈ ವೈರಲ್ ವಿಡಿಯೋ ಪೋಸ್ಟನ್ನು ಹಂಚಿಕೊಂಡಿದೆ. ಈ ವಿಡಿಯೋವನ್ನು 1 ಲಕ್ಷಕ್ಕೂ ಹೆಚ್ಚು ಜನರು ಇಷ್ಟಪಟ್ಟಿದ್ದಾರೆ. ಚೀನಾದ ಶಾನ್ ಡಾಂಗ್ ಪ್ರಾಂತ್ಯದಲ್ಲಿರುವ ಜೂ ನಲ್ಲಿ ಈ ಘಟನೆ ನಡೆದಿತ್ತು.
ಈ ವೈರಲ್ ವಿಡಿಯೋದಲ್ಲಿ ದೊಡ್ಡ ದಂತ ಹೊಂದಿರುವ ಆನೆಯು ಮೃಗಾಲಯದ ಆವರಣದಲ್ಲಿ ಕೆಳಗೆ ಬಿದ್ದ ಶೂವನ್ನು ತನ್ನ ಸೋಂಡಿಲಿನಿಂದ ಎತ್ತಿ, ಪಂಜರದ ಇನ್ನೊಂದು ಬದಿಯಲ್ಲಿ ನಿಂತವರಿಗೆ ನೀಡುವ ದೃಶ್ಯವಿದೆ. ಮೃಗಾಲಯಕ್ಕೆ ಬಾಲಕಿಯೊಬ್ಬಳು ಭೇಟಿ ನೀಡಿದಾಗ ಅಚಾನಕ್ಕಾಗಿ ಈ ಶೂ ಕೆಳಗೆ ಬಿದ್ದಿತ್ತು. ಆಶ್ಚರ್ಯದ ಸಂಗತಿಯೆಂದರೆ ಆನೆಯೊಂದು ಕೆಳಗೆ ಆಕಸ್ಮಾತಾಗಿ ಬಿದ್ದಿರುವ ಶೂವನ್ನು ಅದರ ಅಗತ್ಯವನ್ನು ಮನಗಂಡು ವಾಪಸ್ ಮಾಡಿರುವುದು ಅಲ್ಲಿರುವವರನ್ನೆಲ್ಲಾ ಬೆರಗುಗೊಳಿಸಿದೆ.
