ಮುಂಬೈ, ಜು.4 www.bengaluruwire.com : ಪ್ರತಿಷ್ಠಿತ ಫೆಮಿನಾ ಮಿಸ್ ಇಂಡಿಯಾ 2022ರ ಪಟ್ಟ ಕರ್ನಾಟಕದ 21 ವರ್ಷದ ಸುಂದರ ಬೆಡಗಿ, ಸಿನಿ ಶೆಟ್ಟಿ ಮುಡಿಗೇರಿದೆ.
ಮುಂಬೈನ ಜಿಯೋ ಸಮ್ಮೇಳನ ಕೇಂದ್ರದಲ್ಲಿ ಭಾನುವಾರ ನಡೆದ ವರ್ಣರಂಜಿತ ಕಾರ್ಯಕ್ರಮದಲ್ಲಿ 58ನೇ ಫೆಮಿನಾ ಮಿಸ್ ಇಂಡಿಯಾ 2022ರ ಪಟ್ಟವನ್ನು ಕರ್ನಾಟಕದ ಬೆಡಗಿಯ ಪಾಲಾಗಿದೆ.
ಮುಂಬರುವ ವಿಶ್ವ ಸುಂದರಿ ಸ್ಪರ್ಧೆಯಲ್ಲಿ ಸಿನಿ ಶೆಟ್ಟಿ ಭಾರತವನ್ನು ಪ್ರತಿನಿಧಿಸಲಿದ್ದಾರೆ. ಜು.3ರಂದು ಮಿಸ್ ಇಂಡಿಯಾ ಸ್ಪರ್ಧೆಯ ಫಲಿತಾಂಶ ಪ್ರಕಟವಾಗಿತ್ತು. ರಾಜಸ್ತಾನದ ಟುಬಲ್ ಶೆಖಾವತ್ ಹಾಗೂ ಉತ್ತರಪ್ರದೇಶದ ಶಿನಾತ ಚೌವ್ಹಾಣ್ ಕ್ರಮವಾಗಿ ದ್ವಿತೀಯ ಮತ್ತು ತೃತೀಯ ಸ್ಥಾನವನ್ನು ಪಡೆದುಕೊಂಡರು.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Here
ಫೆಮಿನಾ ಮಿಸ್ ಇಂಡಿಯಾ ಸಂಪ್ರದಾಯದಂತೆ 2020ರ ಮಾನಸ ವಾರಣಾಸಿ ಭಾನುವಾರದ ಅಂತಿಮ ಫಲಿತಾಂಶದ ಬಳಿಕ ಸಿನಿ ಶೆಟ್ಟಿಗೆ ಕಿರೀಟ ತೊಡಿಸಿದರು. ಸಿನಿಶೆಟ್ಟಿ ಮೂಲತಃ ದಕ್ಷಿಣಕನ್ನಡದವರಾಗಿದ್ದರೂ ಮುಂಬೈನಲ್ಲಿ ನೆಲೆಸಿ ಅಲ್ಲೇ ಓದುತ್ತಿದ್ದಾರೆ. ಭರತನಾಟ್ಯ ಕಲಾವಿದೆಯಾಗಿರುವ ಸಿನಿಶೆಟ್ಟಿ, ವಾಣಿಜ್ಯ ನಗರಿಯಲ್ಲಿ ಚಾರ್ಟಡ್ ಹಣಕಾಸು ವಿಶ್ಲೇಷಕ ಶಿಕ್ಷಣವನ್ನು ಕಲಿಯುತ್ತಿದ್ದಾರೆ. ತನ್ನ ನಾಲ್ಕನೇ ವಯಸ್ಸಿನಲ್ಲಿ ಭರತನಾಟ್ಯ ಕಲಿಯಲು ಆರಂಭಿಸಿದ ಸಿನಿಶೆಟ್ಟಿ 14ನೇ ವಯಸ್ಸಿಗೆಲ್ಲ ಅರಂಗೇಟ್ರಮ್ (ಶಾಸ್ತ್ರಿಯವಾಗಿ ಭರತನಾಟ್ಯ ಕಲಿತ ಬಳಿಕ ಏಕಾಂಗಿಯಾಗಿ ನೃತ್ಯ ಪ್ರದರ್ಶನ ನೀಡುವ/ ಇತರರಿಗೆ ತರಬೇತಿ ನೀಡುವ ಹಂತದಲ್ಲಿರುವವರು) ಹಂತಕ್ಕೆ ಕಾಲಿರಿಸಿದ್ದರು.
Exclusive Offer for Bengaluru Wire Readers- Visit Amazon Website Click Here
ತನಗೆ ಒಲಿದ ಮಿಸ್ ಇಂಡಿಯಾ ಪ್ರಶಸ್ತಿಗೆ ಅಭಿನಂದಿಸಿದ ಹಾಗೂ ಶುಭ ಕೋರಿದವರೆಲ್ಲರಿಗೂ ಸಿನಿಶೆಟ್ಟಿ ತಮ್ಮ ಟ್ವಿಟರ್ ಖಾತೆಯ ಮೂಲಕ ಧನ್ಯವಾದ ತಿಳಿಸಿದ್ದಾರೆ.
