ನಾಯಿಗಳ ಗುಂಪೊಂದು ಮರಿ ಕೋತಿಯ ಮೇಲೆ ದಾಳಿ ನಡೆಸಿದ ಪರಿಗೆ ಆ ಮೂಕ ಜೀವ ಉಸಿರಾಡಲು ಕಷ್ಟಪಡುತ್ತಾ, ಸಾವು ಬದುಕಿನ ನಡುವೆ ಹೋರಾಡುತ್ತಿತ್ತು. ಇದನ್ನು ಕಂಡ ಪ್ರಭು ಎಂಬ ವ್ಯಕ್ತಿ ಮರಿ ಮಂಗದ ಬಾಯಿಗೆ ತನ್ನ ಬಾಯಿಯಿಂದ ಗಾಳಿ ಊದಿ, ಎದೆಯನ್ನು ಒತ್ತಿ ಸಕಾಲದಲ್ಲಿ ಪ್ರಥಮ ಚಿಕಿತ್ಸೆ ಒದಗಿಸಿದರು.
ಇದರಿಂದಾಗಿ ಆ ಪುಟ್ಟ ಕೋತಿಮರಿ ಮತ್ತೆ ಸಾಮಾನ್ಯ ಸ್ಥಿತಿಯಲ್ಲಿ ಉಸಿರಾಡಿದ್ದನ್ನು ಕಂಡು ಅತೀವ ಸಂತೋಷಪಟ್ಟಿದ್ದಾರೆ. ಈ ವಿಡಿಯೋವನ್ನು ಟ್ವಿಟರ್ ನಲ್ಲಿ ಮಹಿಳೆಯೊಬ್ಬರು ಹಂಚಿಕೊಂಡಿದ್ದರು. ಇದನ್ನು ಕಂಡ ತಮಿಳು ಚಿತ್ರರಂಗದ ಸೂಪರ್ ಸ್ಟಾರ್ ಸೂರ್ಯ, ತಮ್ಮ ಅಧಿಕೃತ ಟ್ವಿಟರ್ ಖಾತೆಯಲ್ಲಿ ಮರು ಟ್ವೀಟ್ ಮಾಡಿದ್ದಾರೆ….! ಈ ವಿಡಿಯೋ ಈಗ ಸೋಶಿಯಲ್ ಮೀಡಿಯಾದಲ್ಲಿ ಸಾಕಷ್ಟು ವೈರಲ್ ಆಗಿದೆ.
