ಬೆಂಗಳೂರು, (www.bengaluruwire.com) : ಸ್ಯಾಂಡಲ್ ವುಡ್ ನ ಯುವರತ್ನ ದಿವಂಗತ ಪುನೀತ್ ರಾಜಕುಮಾರ್ ಅವರ ಕನಸಿನ “ಗಂಧದಗುಡಿ” ಟೀಸರ್ (Gandhada Gudi teaser) ಯೂಟ್ಯೂಬ್ ನಲ್ಲಿ ಸೋಮವಾರ ಬಿಡುಗಡೆಯಾದ ನಾಲ್ಕು ಗಂಟೆಗಳಲ್ಲಿ 8 ಲಕ್ಷ ಜನರು ಇದನ್ನು ವೀಕ್ಷಿಸಿದ್ದಾರೆ.
ಪಿಆರ್ ಕೆ ಪ್ರೊಡಕ್ಷನ್‌ (PRK Production) ನಲ್ಲಿ ಮೂಡಿಬಂದಿರುವ ಪುನೀತ್ ರಾಜ್ ಕುಮಾರ್ ಅಭಿನಯದ ಈ ಚಿತ್ರ 2022 ರಲ್ಲಿ ರಿಲೀಸ್ ಆಗಲಿದೆ ಎಂದು ಟೀಸರ್ ನಲ್ಲಿ ತಿಳಿಸಲಾಗಿದೆ. ಪಿಆರ್ ಕೆ ಪ್ರೊಡಕ್ಷನ್‌ ಯೂಟ್ಯೂಬ್ (Youtube) ಅಕೌಂಟ್‌ನಿಂದ ಈ ಟೀಸರ್ ಅಪಲೋಡ್ ಮಾಡಲಾಗಿದೆ. ಕಾಕತಾಳೀಯ ಎಂಬಂತೆ ಪುನೀತ್ ರಾಜಕುಮಾರ್ ತಾಯಿ ಪಾರ್ವತಮ್ಮ ರಾಜಕುಮಾರ್ ಹುಟ್ಟುಹಬ್ಬದ ದಿನವಾದ ಸೋಮವಾರವೇ ಈ ಟೀಸರ್ ಬಿಡುಗಡೆಯಾಗಿದೆ.
ರಸಿಕರ ರಾಜ ಡಾ.ರಾಜ್ ಕುಮಾರ್ 1973 ರಲ್ಲಿ ತಮ್ಮ ಅಭಿನಯದ ಬ್ಲಾಕ್ ಬಸ್ಟರ್ ಚಲನಚಿತ್ರ “ಗಂಧದಗುಡಿ” ಯಲ್ಲಿ ಕಾಡಿನಲ್ಲಿನ ಪ್ರಾಣಿ ಪಕ್ಷಿಗಳ ಸಂರಕ್ಷಣೆ ಮಾಡುವಂತೆ ಕರೆ ಕೊಟ್ಟ ಧ್ವನಿಯನ್ನೇ ಈ ಟೀಸರ್ ನಲ್ಲಿ ಬಳಸಿಕೊಳ್ಳಲಾಗಿದೆ. ನಾಡಿನ ಕಾಡಿನಲ್ಲಿನ ವನ್ಯಪ್ರಾಣಿ – ಪಕ್ಷಿಗಳ, ಸುಂದರ ಕಾನನ, ನೀರೊಳಗಿನ ಲೋಕವನ್ನು ಅನಾವರಣ ಮಾಡುವ ದೃಶ್ಯಗಳನ್ನು ಈ ಒಂದು ನಿಮಿಷ ಇಪ್ಪತ್ತು ಸೆಕೆಂಡುಗಳ ವಿಡಿಯೋದಲ್ಲಿ ತೋರಿಸಲಾಗಿದೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Here
ವೈಲ್ಡ್ ಲೈಫ್ ಫಿಲಮ್ ಮೇಕರ್ ಜೆ.ಎಸ್.ಅಮೋಘವರ್ಷ (wildlife filmmaker Amoghavarsha JS) ಅವರ ಜೊತೆ ಸೇರಿ ಬಹಳ ಕಾಲದಿಂದ ರಾಜ್ಯದ ಕಾಡಿನಲ್ಲಿ ಸಂಚರಿಸಿ ಅರಣ್ಯ ಕುರಿತ ಈ ಡಾಕ್ಯುಮೆಂಟರಿ (wildlife documentary)ಯನ್ನು ಸಿದ್ಧಪಡಿಸಲಾಗಿದೆ.
Exclusive Offer for Bengaluru Wire Readers- Visit Amazon Website Click Hereಈ ಟೀಸರ್ ಕುರಿತು ಪುನೀತ್ ಪತ್ನಿ ಆಶ್ವಿನಿ ತಮ್ಮ ಟ್ವಿಟರ್ ನಲ್ಲಿ ಹೀಗೆ ಬರೆದುಕೊಂಡಿದ್ದಾರೆ….
“ಅಪ್ಪು ಅವರ ಕನಸಿದು, ಅದ್ಭುತ ಪಯಣ
ನಮ್ಮ ನೆಲದ ಘನತೆಯನ್ನು ಮೆರೆಸುವ ಕಥನ
ಮರುಕಳಿಸಿದ ಚರಿತ್ರೆಯಿದು – “ಗಂಧದ ಗುಡಿ” ಎಂದು ಟ್ವೀಟ್ ಮಾಡಿದ್ದಾರೆ.
ಇದಕ್ಕೆ ಅಪ್ಪು ಅಭಿಮಾನಿಗಳು, “ಗಂಧದ ಗುಡಿ” ಟೀಸರ್ ನೋಡಿ ಖುಷಿಯಾಯಿತು. ಆದರೆ ಅಪ್ಪು ಇಲ್ಲದೆ ಬಹಳ ಬೇಸರವಾಗಿದೆ ಎಂದು ಹೇಳಿದ್ದಾರೆ.
ಇನ್ನು ಕೆಲವರು, ಅಪ್ಪು ಅವರಿಗೆ ನಾಡಿನ ಪರಿಸರ, ಪ್ರಾಣಿ- ಪಕ್ಷಿಗಳ ಬಗ್ಗೆ ಪ್ರೀತಿ- ಒಲುಮೆಯಿತ್ತು ಎಂದು ಟ್ವೀಟ್ ಮಾಡಿದ್ದಾರೆ.
ಈ “ಗಂಧದಗುಡಿ” ಫಿಲಮ್ ಪ್ರಾಜೆಕ್ಟ್ ಮೂಲಕ ಪುನೀತ್ ರಾಜ್ ಕುಮಾರ್ ರಾಜ್ಯದ ಹೊರಭಾಗದ ವೀಕ್ಷಕರನ್ನು ಸೆಳೆಯುವ ಉದ್ದೇಶ ಹೊಂದಿದ್ದರು.
