ಬೆಂಗಳೂರು, ಆ.28 www.bengaluruwire.com : ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO)ಯ ಮಹತ್ವಾಕಾಂಕ್ಷಿ ಚಂದ್ರಯಾನ-3 ಯೋಜನೆ ಯಶಸ್ಸಿನ ಬಳಿಕ ಇದೀಗ ಇಸ್ರೊ, ಸೂರ್ಯನನ್ನು ಅಧ್ಯಯನ ಮಾಡಲು ಆದಿತ್ಯ ಎಲ್1 ಎಂಬ ಮೊದಲ ಬಾಹ್ಯಾಕಾಶ ಆಧಾರಿತ ಭಾರತೀಯ ವೀಕ್ಷಣಾಲಯವನ್ನು (observatory) ಪಿಎಸ್ ಎಲ್ ವಿ-ಎಲ್1 ರಾಕೆಟ್ ಮೂಲಕ ಉಡಾವಣೆ ಮಾಡಲಿದೆ.
ಸೆಪ್ಟೆಂಬರ್ 2ರಂದು ಶ್ರೀಹರಿಕೋಟಾದಿಂದ ಬೆಳಗ್ಗೆ 11.50ಕ್ಕೆ PSLV-C57 ಮೂಲಕ ಆದಿತ್ಯ-L1 ಮಿಷನ್ ಮೂಲಕ ಮೊದಲ ಬಾಹ್ಯಾಕಾಶ ಆಧಾರಿತ ಭಾರತೀಯ ವೀಕ್ಷಣಾಲಯವನ್ನು ಸೂರ್ಯನತ್ತ ಕಳುಹಿಸಲು ಇಸ್ರೊ ವಿಜ್ಞಾನಿಗಳು ತಯಾರಿ ನಡೆಸಿದ್ದಾರೆ. ಈ ನೌಕೆಯು ಸೌರ ಶೋಧಕವನ್ನು ಹೊಂದಿದೆ. ಆದಿತ್ಯ-L1 ಮಿಷನ್ ಉಡಾವಣೆ ದಿನಾಂಕ ಕುರಿತು ಇಸ್ರೊ ಎಕ್ಸ್ (ಹಿಂದಿನ ಟ್ವಿಟರ್ ಖಾತೆ)ಯಲ್ಲಿ ಹಂಚಿಕೊಂಡಿದೆ.
ಭೂಮಿಯಿಂದ 1.5 ದಶಲಕ್ಷ ಕಿ.ಮೀ ದೂರದಲ್ಲಿರುವ ಹಾಗೂ ಚಂದ್ರನ ದೂರಕ್ಕಿಂತ ನಾಲ್ಕು ಪಟ್ಟು ಹೆಚ್ಚು ದೂರವಿರುವ ಸೂರ್ಯನಲ್ಲಿನ ಅನೇಕ ತಿಳಿಯದ ಖಗೋಳ ಕೌತುಕವನ್ನು, ವೈಜ್ಞಾನಿಕ ಸತ್ಯಗಳನ್ನು ತಿಳಿದುಕೊಳ್ಳುವುದು ಈ ಆದಿತ್ಯ ಎಲ್1 ಯೋಜನೆಯ ಉದ್ದೇಶಗಳಲ್ಲಿ ಒಂದಾಗಿದೆ.
ಅಮೆಜಾನ್‌ ಪ್ರೈಮ್‌ಗೆ ಇಂದೇ ಚಂದಾದಾರರಾಗಿ Click Hereಆಸಕ್ತರು ನೇರವಾಗಿ ಶ್ರೀಹರಿಕೋಟಾದಿಂದ ಉಡಾವಣಾ ಪ್ರಕ್ರಿಯೆ ವೀಕ್ಷಿಸಲು ಇಸ್ರೊ ಸಂಸ್ಥೆ ಅವಕಾಶ ನೀಡಿದ್ದು, ನೋಂದಣಿ ಮಾಡಿಕೊಂಡು ಶ್ರೀಹರಿಕೋಟಾಕ್ಕೆ ಬರುವಂತೆ ಆಹ್ವಾನಿಸಿದೆ.
Exclusive Offer for Bengaluru Wire Readers- Visit Amazon Website Click Here
