ನವದೆಹಲಿ, ಜು.13 www.bengaluruwire.com : ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರ ಅಧ್ಯಕ್ಷತೆಯಲ್ಲಿ ಗುರುವಾರ ನಡೆದ ರಕ್ಷಣಾ ಸ್ವಾಧೀನ ಮಂಡಳಿಯ (DAC) ಸಭೆಯಲ್ಲಿ ಮೂರು ಪ್ರಸ್ತಾವನೆಗಳನ್ನು ಅನುಮೋದಿಸಿತು. ಈ ಸಭೆಯಲ್ಲಿ 26 ರಫೇಲ್ ನೌಕಾ ವಿಮಾನಗಳ (Rafale Marine aircraft) ಖರೀದಿಗೆ ಅಗತ್ಯತೆಯ ಸ್ವೀಕಾರವನ್ನು (AoN) ನೀಡಿತು.
ರಫೇಲ್ ಮೆರೈನ್ ವಿಮಾನದ ಜೊತೆಗೆ ಸಹಾಯಕ ಉಪಕರಣಗಳು, ಶಸ್ತ್ರಾಸ್ತ್ರಗಳು, ಸಿಮ್ಯುಲೇಟರ್, ಬಿಡಿಭಾಗಗಳು, ದಾಖಲಾತಿಗಳು, ಸಿಬ್ಬಂದಿ ತರಬೇತಿ ಮತ್ತು ಭಾರತೀಯ ನೌಕಾಪಡೆಗೆ ಅಂತರ್-ಸರ್ಕಾರಿ ಒಪ್ಪಂದದ (IGA) ಆಧಾರದ ಮೇಲೆ ಫ್ರೆಂಚ್ ಸರ್ಕಾರದಿಂದ ಲಾಜಿಸ್ಟಿಕ್ ಬೆಂಬಲ ಪಡೆದುಕೊ

ಇತರ ದೇಶಗಳಿಂದ ಇದೇ ರೀತಿಯ ವಿಮಾನಗಳ ತುಲನಾತ್ಮಕ ಖರೀದಿ ಬೆಲೆ ಸೇರಿದಂತೆ ಎಲ್ಲಾ ಸಂಬಂಧಿತ ಅಂಶಗಳನ್ನು ಗಣನೆಗೆ ತೆಗೆದುಕೊಂಡ ನಂತರ ಬೆಲೆ ಮತ್ತು ಇತರ ಖರೀದಿಯ ನಿಯಮಗಳನ್ನು ಫ್ರೆಂಚ್ ಸರ್ಕಾರದೊಂದಿಗೆ ಮಾತುಕತೆ ಮಾಡಲು ನಿರ್ಧರಿಸಲಾಗಿದೆ. ಇದಲ್ಲದೆ, ಭಾರತೀಯ ವಿನ್ಯಾಸಗೊಳಿಸಿದ ಉಪಕರಣಗಳ ಏಕೀಕರಣ ಮತ್ತು ವಿವಿಧ ವ್ಯವಸ್ಥೆಗಳಿಗೆ ನಿರ್ವಹಣೆ, ದುರಸ್ತಿ ಮತ್ತು ಕಾರ್ಯಾಚರಣೆಗಳ (MRO) ಹಬ್ ಸ್ಥಾಪಿಸುವ ಬಗ್ಗೆ ಮಾತುಕತೆಗಳ ನಂತರ ಒಪ್ಪಂದದ ದಾಖಲೆಗಳಲ್ಲಿ ಅಳವಡಿಸಲಾಗುವುದು ಎಂದು ರಕ್ಷಣಾ ಸಚಿವಾಲಯ ಪತ್ರಿಕಾ ಪ್ರಕಟಣೆಯಲ್ಲಿ ತಿಳಿಸಿದೆ.


ಹೆಚ್ಚುವರಿಯಾಗಿ, ಎಲ್ಲಾ ವರ್ಗಗಳ ಬಂಡವಾಳ ಸ್ವಾಧೀನ ಪ್ರಕರಣಗಳಲ್ಲಿ ದೇಶೀಯವಾಗಿ ರಕ್ಷಣಾ ಸಾಮಗ್ರಿಗಳ ಉತ್ಪಾದನೆಯನ್ನು ಸಾಧಿಸಲು ಮಾರ್ಗಸೂಚಿಗಳನ್ನು ಹಾಕುವ ಪ್ರಸ್ತಾವನೆಗೆ ಡಿಎಸಿ ಸಮಿತಿಯು ಅನುಮೋದನೆ ನೀಡಿತು. ಇದು ಪ್ರಮುಖ ಹಾಗೂ ನಿರ್ಣಾಯಕ ಉತ್ಪಾದನಾ ತಂತ್ರಜ್ಞಾನಗಳಲ್ಲಿ ‘ಆತ್ಮನಿರ್ಭರ ಭಾರತ’ ಪರಿಕಲ್ಪನೆ ಸಾಧಿಸಲು ಸಹಾಯ ಮಾಡುತ್ತದೆ. ಹೀಗೆ ದೇಶೀಯ ಉತ್ಪಾದನೆಯ ಮೂಲಕ ರಕ್ಷಣಾ ಉಪಕರಣಗಳ ತಯಾರಿಕೆಗೆ ಸೂಕ್ತ ವೇದಿಕೆ ನಿರ್ಮಿಸಲು ಸಹಾಯಕವಾಗುತ್ತದೆ.
ಮಜಗಾನ್ ಡಾಕ್ ಶಿಪ್ ಬಿಲ್ಡರ್ಸ್ ಲಿಮಿಟೆಡ್ (MDL) ನಿಂದ ನಿರ್ಮಿಸಲಾಗುವ ಭಾರತೀಯ ಖರೀದಿ ವರ್ಗದ ಅಡಿಯಲ್ಲಿ ಮೂರು ಹೆಚ್ಚುವರಿ ಸ್ಕಾರ್ಪೀಯನ್ ಜಲಾಂತರ್ಗಾಮಿ ನೌಕೆಗಳ ಖರೀದಿಗಾಗಿ ರಕ್ಷಣಾ ಸ್ವಾಧೀನ ಸಮಿತಿ ಸಹ ಖರೀದಿ ಅಗತ್ಯ ಸ್ವೀಕಾರ ಒಪ್ಪಿಗೆಯನ್ನು ನೀಡಿತು. ಹೆಚ್ಚಿನ ಸ್ಥಳೀಯ ವಿಷಯದೊಂದಿಗೆ ಹೆಚ್ಚುವರಿ ಜಲಾಂತರ್ಗಾಮಿ ನೌಕೆಗಳ ಸಂಗ್ರಹಣೆಯು ಭಾರತೀಯ ನೌಕಾಪಡೆಯ ಅಗತ್ಯ ಬಲವನ್ನು ಮತ್ತು ಸರ್ವ ಸನ್ನದ್ಧತೆ ಕಾರ್ಯಾಚರಣೆ ಕಾಪಾಡಿಕೊಳ್ಳಲು ಸಹಾಯ ಮಾಡುತ್ತದೆ. ಇದರಿಂದ ಪರೋಕ್ಷವಾಗಿ ದೇಶೀಯ ವಲಯದಲ್ಲಿ ಗಮನಾರ್ಹ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುತ್ತದೆ. ಅಲ್ಲದೆ ಜಲಾಂತರ್ಗಾಮಿ ನಿರ್ಮಾಣದಲ್ಲಿ ಮಜಗಾನ್ ಡಾಕ್ ಶಿಪ್ ಸಾಮರ್ಥ್ಯ ಮತ್ತು ಪರಿಣತಿಯನ್ನು ಮತ್ತಷ್ಟು ಹೆಚ್ಚಿಸುವಲ್ಲಿ ಸಹಾಯ ಮಾಡುತ್ತದೆ.